यी हुन् घाँटी खसखस गर्नुका कारण ? कसरी बच्ने ?



मौसम परिवर्तनसँगै थुप्रै मानिसहरुमा घाँटी खस खस गर्ने र दुख्ने समस्या देखा पर्छ । तर, घाँटी खसखस गर्ने विभिन्न कारण हुन्छन् । जसमध्ये मुख्य कारण भनेको एलर्जी हो । घाँटीमा खसखस वायु प्रदुषणका कारण पनि हुने गर्छ । यसले घाँटीमा मात्रै होइन, हाम्रो शरीरको जुनसुकै भागमा पनि असर गर्न सक्छ । जाडरक्सी सेवन, चुरोटको सेवन र धेरै मात्रामा चिल्लो पिरो खाँदा पनि घाँटीमा खसखस हुनसक्छ ।

पेटको खराबी पनि यसको कारण हुनसक्छ । मुखमा अमिलो पानी आइरहने बिरामी, ग्यास्ट्रिकका समस्या हुनेलाई पनि घाँटी खसखस हुन्छ । कहिलेकहीँ कुनै शारीरिक समस्या नभएका मानसिक रोगका बिरामीलाई पनि यो समस्या देखा पर्न सक्छ । मानसिक तनाव हुँदा पनि यस्तो समस्या हुन्छ । यस्तो हुँदा मनोपरामर्शको आवश्यकता पर्छ ।

नाक, कान र घाँटीको समस्या जस्तै पिनासले गर्दा पनि घाँटीमा खसखस हुन्छ । खाने पाइपको नलीमा ट्युुमरहरु भइरहेको छ भने पनि घाँटी खसखस हुनसक्छ । अहिलेको सन्दर्भमा कोरोना संक्रमणको कारणले पनि घाँटी खसखस हुने समस्या हुन सक्छ । पोष्ट कोभिड सिम्टमको रुपमा पनि यो समस्या देखिन सक्छ ।

जोगिने उपाय र उपचार

– घाँटी खसखस गर्ने कारणहरु धेरै हुने भएकोले परीक्षण गरी कारण पत्ता लगाउनु पर्छ । नाँक कान घाँटी रोग विशेषज्ञ डाक्टरकहाँ गएर एन्डोस्कोपी गरेर हेर्नु पर्छ र चिकित्सकको परामर्शअनुसार उपचार गर्नुपर्छ ।

– खासगरी घाँटी खसखसको समस्याबाट बच्नका लागि वातावरण र खानेकुरामा विशेष ख्याल राख्नुपर्छ । प्रदूषित ठाउँमा धेरै नबस्ने, मद्यपान, धुम्रपानमा नियन्त्रण गर्ने, चिल्लो, पिरो धेरै नखाने गर्दा पनि यो समस्या कम हुँदै जान्छ ।

– परीक्षण गर्दा कुनैपनि कारण पत्ता लागेन भने मानसिक तनावले पनि घाँटी खसखस गरेको हुनसक्छ । त्यसैले धेरै तनाव र चिन्ता नलिने र मनोपरार्शदातासँग सल्लाह लिनुपर्छ ।

– एलर्जी भइराख्ने बिरामी र अमिलो पानी घाँटीमा पुग्दा अमिलो डकार आउनेजस्ता कारणले पनि घाँटी खसखस हुन सक्छ । यसको लागि ग्यास्ट्रिक सम्बन्धि विशेषज्ञको सल्लाहअनुसार उपचार गर्नु पर्छ ।

– कोरोना संक्रमणको कारणले तथा पोष्ट कोभिड सिम्टमको रुपमा पनि घाँटी खसखस गर्ने समस्या हुने भएकाले कोरोना परीक्षण गर्नुपर्छ ।

यो पनि पढ्नुहोस्
यी हुन् अल्सर हुनुका कारण, कसरी बच्ने ?
आँखामा देखिने समस्याबाट कसरी बच्ने ?
यी हुन् नियमित घ्युकुमारी प्रयोग गर्नुका फाइदा



...
यी हुन् कब्जियत हुनुको कारण, लक्षण र बच्ने उपाय « Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

नेपाल अटोमोबाइल्स डिर्लस एशोसिएसन अफ नेपाल (नाडा) को आगामी निर्वाचनका लागि अध्यक्ष पदका प्रत्यासी उम्मेदवार करण चौधरीले आफ्नो समूहका सदस्यहरुको

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै