आँखाबाट बारम्बार आँशु बगिरहने समस्या छ ? यी हुन् रोकथामका उपाय



आँखाबाट आँशु बग्नु सामान्य प्रक्रिया हो । हाम्रो आँखामा सामान्य अवस्थामा पनि आँशु बनिरहेको हुन्छ । आँशु आँखामा रहेको सानो प्वालबाट ल्याक्रिमल डक्टबाट नाक हुँदै घाँटीमा जान्छ । यदि कुनै कारण उक्त नली बन्द भएमा आँशु झरिरहने समस्या देखापर्छ । यसैकारण आँखामा विभिन्न समस्याहरू समेत देखापर्दछ । यसबाहेक पनि आँशु बग्नुका थुप्रै कारण रहेका हुन्छन् । यस्तो समस्या किन हुन्छ ? र, यसबाट कसरी बच्न सकिन्छ भन्ने बारे आँखा रोग विशेषज्ञ डा. प्रतिक्षा अमात्यको सुझाव यस्तो छ :

कारण
– ल्याक्रिमल डक्टको गडबढी भएमा
– आँखाको प्वाल र नलीहरू राम्ररी विकसित नभएमा
– धुलो र धुँवा
– चिसोका कारण आँखाको एलर्जी तथा संक्रमण
– आँखाको घाउ वा इन्फेक्सन
– आँखा सुख्खा
– बढ्दो उमेर अवस्थामा पनि आँशु बगिरहन्छ

रोकथाम
केही शिशुहरूमा जन्मदै यो समस्या भएको हुन्छ । कतिपयमा केही समय पश्चात बन्द भएका नलीहरू आफैँ खुल्छ । यस्तो समस्या भएको शिशुलाई आँखा वरपर तथा नाकको माथिल्लो भागमा मालिस गर्नुपर्छ । यसरी मालिस गर्नाले विकास भएर पनि काम नगरेको नली खुल्छ र आँशु बग्न कम हुन्छ । यसरी मालिस गर्दा नली खुलेन भने शल्यक्रिया नै गर्नु पर्छ ।

आँखामा धुलोको कणहरू पसेमा मिच्नु हुँदैन र आँखालाई प्रेसर पर्ने कामहरू लामो समयसम्म गर्नु हुँदैन । कहिलेकहीँ आँखामा हुने विभिन्न समस्याहरू जस्तै आँखा पाक्ने, आँखा सुख्खा हुने जस्ता कारणले पनि आँखाबाट आँशु बग्ने समस्या हुन्छ । उक्त समस्याको पत्ता लगाई सोही अनुसार उपचार गरेमा आँशु बग्ने समस्या आफैँ कम भएर जान्छ ।

यो पनि पढ्नुहोस्
यी हुन् अल्सर हुनुका कारण, कसरी बच्ने ?
आँखामा देखिने समस्याबाट कसरी बच्ने ?
यी हुन् नियमित घ्युकुमारी प्रयोग गर्नुका फाइदा



Leave a Reply

Your email address will not be published. Required fields are marked *

सम्बन्धित खबरहरु

दसैं र तिहार नेपालमा मनाइने प्रमुख चाडपर्व मध्यमा पर्छ । यस पर्वका बेला घरमा नयाँ सामाग्री जोड्दा शुभ मानिने जनविश्वास

पहिले पहिले लेकबेँसी, गाउँ–सहर गर्ने बटुवाहरुको थकाइ मेटाउने थलो चौतारीहरु अहिले नासिँदै गएका छन् । गर्मीमा दौँतरीहरु बसेर शीतल हावा

कोरोना संक्रमणसँग मिल्दोजुल्दो लक्षण भएको स्क्रब टाइफस अहिले नेपालको विभिन्न ठाउँमा देखिन थालेको छ । यद्यपि यो नयाँ रोग भने

मोटो जिउडाल, हक्की स्वभाव तर, मिजासिली । यिनै गुणले पूर्ण छिन् साझा बसकी महिला चालक– हर्मिता श्रेष्ठ । उनले साझा

Suggested