थप ६ हजार २ सय ५ जना कोरोना संक्रमण मुक्त
नेपालमा पछिल्लो २४ घण्टामा थप ६ हजार २ सय ५ जना कोरोना संक्रमण मुक्त भएका छन् । योसहित नेपालमा कोरोना संक्रमण मुक्त हुनेको कुल संख्या ४ लाख ४० हजार ९ सय ५५ पुगेको छ ।
त्यस्तै पछिल्लो २४ घण्टामा गरिएको १० हजार ९ सय ८६ जनामा पीसीआर परीक्षण गर्दा ३ हजार ७ सय २ र १ हजार ७ सय ८४ एन्टिजेन परीक्षणमा ६ सय ६७ जना गरी ४ हजार ३ सय ६९ जनामा कोरोना संक्रमण भएको छ । योसँगै नेपालमा कुल कोरोना संक्रमितको संख्या ५ लाख ५७ हजार १ सय २४ रहेको छ ।
त्यस्तै पछिल्लो २४ घण्टामा १ सय ९ जनाको मृत्यु भएको छ । योसँगै नेपालमा कोरोना भाइरसका कारण मृत्यु भएकाहरुको कुल संख्या ७ हजार २ सय ७२ रहेको छ ।
त्यस्तै नेपालको क्वारेन्टाइनमा ७६३ जना रहेका छन् भने १ लाख ८ हजार ८ सय ९७ जना आइसोलेशनमा रहेका छन् ।
