कमला बोहरा खत्रीको जिन्दगीको गोरेटोमा सुनिता र अर्जुनको स्वर (भिडियोसहित)
गायिका सुनिता दुलाल र गायक अर्जुन सुनमको स्वरमा सजिएको ‘जिन्दगीको गोरेटोमा’ बोलको गीत सार्वजनिक भएको छ । आज(बुधबार) राइज मिडिया नेटवर्क युट्युव च्यानलमार्फत उक्त गीतको भिडियो सार्वजनिक गरिएको हो ।
समाजसेवाका साथै नेपाली गीत–संगीत क्षेत्रमा कलम चलाउँदै आएकी गीतकार कमला बोहरा खत्रीले कोरेको शब्दमा गायक तथा संगीतकार सुनमले नै संगीत भरेका छन् । गीतमा प्रसन परियारले संगीत संयोजन गरेका छन् भने मनोज सुनार र नबिन सुनारले मिक्सिङको काम गरेका छन् ।
गीतको भिडियोमा अभिनेता सरोज खनाल र अभिनेत्री गौरी मल्ललाई मूख्य भूमिकामा देख्न सकिन्छ । भिडियोलाई निर्देशक सुव्रतराज आचार्यले निर्देशन गरेका हुन् । जसमा जया शर्माले रचनात्मकता थपेकी छन् ।
कुमार कुटुवालले छायाँकन गरेको भिडियोलाई राजकुमार श्रेष्ठको सम्पादन रहेको छ । त्यसैगरी, सिमोन तामाङले भिडियोलाई कलर गरेका हुन् । राइज मिडिया नेटवर्कले निर्माण गरेको भिडियोमा अशोक गुरुङले संयोजकको भूमिका निर्वाह गरेका छन् ।
याे पनि :
गायिका सुनिता दुलाल र ज्योति गुरुङको तीज गीत ‘परदेशी छोरी’ सार्वजनिक
गौरी मल्ल–सरोज खनाल : मित्रताको कसिलो डोरी
भिडियो:
