बुधबार नेप्से ५.१७ अंकले बढ्यो
सेयर बजार सूचक नेप्से बुधबार ५.१७ अंकले बढेको छ । यस वृद्धिसँगै सूचक २३७६.१७ विन्दुमा आइपुगेको छ । करिब १ अर्ब रुपैयाँको सेयर कारोबार भएको छ । एउटा कम्पनीको मूल्यमा सकारात्मक सर्किट लागेको छ ।
यस दिन २२८ कम्पनीको २८ लाख ८५ हजार भन्दा बढी कित्ता सेयर कारोबार भएको छ । १३ मध्ये ९ वटा समूहमा हरियाली देखिएको छ । ५ करोड २१ लाख रुपैयाँभन्दा बढीसहित कारोबार रकममा अरुण भ्याली हाइड्रोपावर अग्रस्थानमा रहेको छ । यसैगरी, दोस्रो र तेस्रो स्थानमा क्रमशः हिमालयन डिष्टिलरी र नेपाल फाइनान्स परेका छन् ।
सेयर कारोबार रकम (टर्नओभर) निकै ड्राई हुँदै गएको छ । साथै, लामो समयदेखि करेक्सनमा रहेको बजारमा सेयर भाउहरु समेत निकै सस्तो भइसकेको छ । विगत ९ महिनायता बजार लगातारजसो घट्दा बजारमा सेयर भाउ न्यून विन्दुमा आएको छ ।
अधिकांश कम्पनीहरुको मूल्य ५२ हप्ताको औसत मूल्य भन्दा पनि तल झरिसकेको अवस्था छ । ब्लुचीप कम्पनीहरुको भाउमा पनि ५०–७० प्रतिशतसम्म घटेको देखिन्छ । कम्पनीहरूले दिएका बोनस सेयरलाई समायोजन गरेर हेर्दा पनि भाउ थप सस्तो भएको पाइन्छ ।
यो पनि…
के–केमा पाइन्छ कृषि अनुदान, कसरी लिने ?
धानमा आत्मनिर्भर हुन ६ लाख ६८ हजार मेट्रिक टनको खाँचो
