नेपालका कलाकार र समाजसेवीहरूलाई भारतमा सम्मान
भारतको उत्तर प्रदेश राज्यमा रहेको ‘कला एकेडेमी’ र सम्भल जिल्लास्थित ‘उडान साँस्कृतिक समूह’ ले नेपालको लुम्बिनी वर्ल्ड पिस फोरम नेपालका कलाकार तथा समाजसेवीहरूलाई ‘राज्य सम्मान २०२२’ द्वारा सम्मान गरेको छ ।
लुम्बिनी वर्ल्ड पिस फोरमका अध्यक्ष वासु गौतमलाई विशेष अतिथिका रूपमा निमन्त्रणा गरिएको उक्त समारोहमा ‘कला एकेडेमी’ र ‘उडान साँस्कृतिक समूह’ ले नेपालका कलाकारहरू दामोदर बराल, नरबहादुर विश्वकर्मा, दिनेश्वर महतो, सरोज लामिछाने, प्रितम थापा र दीपक महतोलगायतलाई सम्मान गरेको हो ।
१५ र १६ अप्रिलमा आयोजित सम्मान कार्यक्रममा बलिउड सिनेमा ‘उचाइ’ मा अनुपम खेरको डबल भूमिकामा अभिनय गरेका सरोज लामिछानेलाई ‘अन्तर्राष्ट्रिय कलाकार’ का रूपमा पनि सम्मान गरिएको थियो ।
यसैगरी, समाजसेवी अनामिका अर्याल ‘महिला समाजसेवी सम्मान २०२२’ बाट सम्मानित भएकी छिन् ।
यो पनि…
‘उचाइ’ मा भेटिए नेपाली अनुपम खेर (भिडियो पनि)
अनुपम खेरले सार्वजनिक गरे ‘उचाइ’ लुक्स
