युक्रेनबाट २० लाख मानिसहरू पुगे पोल्यान्ड
रूस–युक्रेन युद्ध सुरु भएयता २० लाख मानिसहरू युक्रेनबाट भागेर पोल्यान्ड पुगेको त्यहाँको सीमा रक्षा निकायले जनाएको छ ।
उक्त सङ्ख्या शुक्रबार जीएमटी समयअनुसार ८ बजे २० लाख पुगेको पोलिस बोर्डर गार्ड एजेन्सीले आफ्नो ट्विटरमा लेखेको छ । त्यसमध्ये अधिकांश महिला र बालबालिका रहेका छन् ।
वार्स विश्वविद्यालयका एक आप्रवासन अनुसन्धान प्राध्यापकका अनुसार पोल्यान्डबाट पाँच लाखभन्दा बढी व्यक्ति अन्यत्र गइसकेका छन् ।
अधिकांश मानिसहरू वार्स र क्राकाउ जस्ता ठूला शहरमा छन् र त्यहाँका अधिकारीहरूले आवास उपलब्ध गराउने आफ्नो क्षमता कटिसकेको बीबीसीले जनाएको छ ।
यो पनि…
रूस–युक्रेन द्वन्द्व : यी हुन् मुख्य पाँच घटना
रूस–युक्रेन द्वन्द्व : यस्ता छन् पछिल्ला घटना
युद्धको असर : युक्रेन र रूसमा महासङ्कट
