रूस–युक्रेन द्वन्द्व : यी हुन् मुख्य पाँच घटना

रूस–युक्रेन द्वन्द्व सुरु भएको आज २२ औं दिन पुगेको छ । द्वन्द्वका कारण युक्रेन नराम्रोसँग प्रभावित भएको छ । युक्रेनीहरू सुरक्षित स्थान खोज्दै छिमेकी मुलुकहरू प्रवेश गरेका छन् । अहिलेसम्म द्वन्द्व रोक्ने कुनै प्रयास भइरहेको छैन । दुई देशबीचको द्वन्द्व यतिखेर के भइरहेको छ ? बीबीसीका अनुसार यी हुन् पछिल्ला घटना पाँच महत्त्वपूर्ण घटना :

–घेराबन्दीमा परेको युक्रेनी शहर मारिओपोलस्थित एउटा नाटकघरमा रूसी सेनाले बम आक्रमण गरेको युक्रेनी निकायहरूले जनाएका छन् ।

–युक्रेनी अधिकारीहरूका अनुसार नाटकघरको भूमिगत आश्रयस्थलमा १,००० देखि १, २०० सर्वसाधारण थिए र उनीहरूको उद्धार कार्य अघि बढाइएको छ ।

–अमेरिकी राष्ट्रपति जो बाइडनले रूसी समकक्षी भ्लादिमिर पुटिनलाई ‘युद्ध अपराधी’ भनेका छन् ।

–बाइडनको टिप्पणी ‘अस्वीकार्य अनि अक्षम्य’ रहेको क्रेम्लिनले प्रतिक्रिया जनाएको छ ।

–युक्रेनका राष्ट्रपति भोलोदिमिर जेलेन्स्कीले अमेरिकी कङ्ग्रेसलाई भिडिओमार्फत् एउटा दुर्लभ सम्बोधन गर्दै रूसविरुद्ध थप प्रतिबन्धहरू लगाउन अमेरिकासँग माग गरेका छन् ।

यो पनि…
रूस–युक्रेन द्वन्द्व : यस्ता छन् पछिल्ला घटना
युद्धको असर : युक्रेन र रूसमा महासङ्कट