वरिष्ठ कलाकार लामाको निधनबारे अनुसन्धान भइरहेको छ : प्रहरी
वरिष्ठ कलाकार एंव लोक गायक जयनन्द लामाको निधनबारे अनुसन्धान भइरहेको प्रहरीले जनाएको छ । लामाको बिहान ज्यान गएको भन्दै प्रहरीलाई आफन्तले खबर गरेका थिए ।
भक्तपुरमा रहेको आफ्नै निवासमा लामाको निधन भएको हो । गएराति ९ बजे मिटिङ भन्दै काठमाडाैं बौद्ध गएका लामा बा.३ च ७७४१ नम्बरको कारमा फर्किएका थिए । तर, खुट्टा कारमा र शरीर घोप्टो परी टाउको भुइँमा जोतिएको अवस्थामा भेटिएको परिवारका सदस्यले बताएका प्रहरीले जनाएको छ ।
उनको टाउकोमा चोट लागेको भनिए पनि निधन हुनुको कारण खुलेको छैन । यसबारे अनुसन्धान भइरहेको प्रहरीले जनाएको छ । लामा लामो समयदेखि गीत संगीत क्षेत्रमा सक्रिय थिए । उनले धेरै नेपाली चलचित्र, टेलिश्रृंखला, नाटकमा अभिनयसमेत गरेका छन् ।
यो पनि
कस्ता कलाकार थिए जयनन्द लामा ? (भिडियो पनि)
रहेनन् वरिष्ठ कलाकार जयनन्द लामा
