सानो घरमा फराकिलो ठाउँ बनाउन यसो गर्नुहोस्
सुन्दर घरको चाहना सबैको हुन्छ । घर सानो होस वा ठूलो । स–साना कुराहरूलाई राम्रोसँग सजाउने हो भने सानो घर पनि सुन्दर देखिन्छ । तर, हामी कतिपय स–साना कुरालाई ध्यान दिँदैनौं र घरको सुन्दरतालाई बिगार्छौं । आउनुहोस् सानो घरलाई सजाउने केही तरिका जानौँ ।
– यदि घर सानो छ भने गाढा रंगका पर्दा तथा गलैँचाहरू प्रयोग नगर्नुुहोस् ।
– घरमा फराकिलो ठाउँ बनाउनको लागि सकेसम्म थोरै फर्निचरहरू राख्नुहोस् । यसो गर्दा घर खुल्ला र राम्रो देखिनेछ ।
– हल्का रंगको बेडसिट र सानो फ्लोरल प्रिन्ट भएका पर्दाहरूको प्रयोग गर्नुहोस् । जसले घरलाई खुल्लापन दिन्छ ।
– भित्ताहरूमा फिक्का रंगको प्रयोग गर्नुहोस्, पेन्टिङ गर्दा यस्ता रंगको प्रयोग गर्नाले घरका भित्ताहरू एकदमै राम्रो देखिन्छ ।
– भारी गलैँचाको सट्टा, सुन्दर डिजाइनको साथमा हल्का रंग भएका रगहरू बिछाउनुहोस् ।
– सुत्ने कोठाको ओछ्यानमा अनावश्यक सामानहरू नराख्नुहोस् ।
– बैठक कोठाको भुइँमा आरामदायी गद्दा राख्नुहोस् र यससँग कुशन र तकिया बिछ्याउनुहोस् ।
– धेरै ठाउँ लिने भारी फर्निचरको सट्टा कम ठाउँ खपत गर्ने फर्निचर अथवा टेबलको प्रयोग गर्नुहोस् ।
– सामानले भरिएको सुन्दर कोठामा सोफाको सट्टा सुन्दर डिजाइन गरिएका कुर्सीहरू राख्नुहोस् यसले घरलाई सुन्दर र फरक लुक्स दिनेछ ।
यो पनि…
घर सजाउने यस्ता छन् सरल उपाय
वास्तुअनुसार कुन ठाउँमा के राख्दा शुभ हुन्छ ?
