क्यामेरा देख्ने बित्तिकै भुवन–जीया टाप !
अभिनेता भुवन केसी र जीया केसी एकसाथ मिडियामा आउन चाहँदैनन् । कुनै समारोहमा जाँदा त्यहाँ मिडिया देखे भने उनीहरु टाप कसिहाल्छन् । आईतवार पनि त्यस्तै दृश्य देखियो ।
अभिनेत्री करिश्मा मानन्धरले आयोजना गरेको होली कार्यक्रममा भुवन–जीया दुवैजना उपस्थित भएका थिए । उक्त कार्यक्रममा एकछिन अघिसम्म खाइखेली रमाइलो गरिरहेका भुवन–जीया मेरो लाइफस्टाइलको टोली पुग्ने बित्तिकै त्यहाँबाट गायब भए ।
आफू निस्किएको जानकारी उनीहरुले होली आयोजक करिश्मालाई समेत दिएनन् । जसले निमन्त्रणा गरेको उसैलाई हिँडेको जानकारी नदिइकन भुवन र जीया टाप कसेका थिए ।
भनिन्छ, भुवन र जीया लामो समयदेखि लिभिङ टुगेदरमा छन् । तर, उनीहरुले सार्वजनिक रुपमा भने स्वीकार गरेका छैनन् ।
विश्व प्रसिद्ध एउटा भनाई नै छ, हिन्दीमा– ‘मिया बिबी राजी तो क्या करेगा काजी ?’
