हरिवंश र मेलिनाको ‘माछीलाई खोलीको लेउ’ युट्युब ट्रेण्डिङको शीर्ष स्थानमा
वरिष्ठ हास्यकलाकार हरिवंश आचार्य र गायिका मेलिना राईको स्वर रहेको माछीलाई खोलीको लेउ बोलको गीत युट्युब ट्रेण्डिको शीर्ष स्थानमा परेको छ । गज्जबको युट्युब च्यानलमार्फत केही दिन अघि सार्वजनिक भएको उक्त गीत ट्रेण्डिङ ३ मा परेको हो ।
दिनेश थपलियाले लेखेको शब्दमा बसन्त सापकोटाको संगीत रहेको छ । गीतमा नरेन्द्र वियोगीले संगीत संयोजन गरेको उक्त गीतमा श्यामश्वेत रसाईलीले मिक्सिङ र मास्टरिङको काम गरेका छन् ।
गीतको भिडियोमा अभिनेत्री करिश्मा मानन्धर, अभिनेता पल शाह र अभिनेत्री केकी अधिकारीले ठुम्का कसेका छन् । भिडियोलाई विक्रम स्वारले निर्देशन गरेका हुन् । नबराज उप्रेतीले छायाँकन गरेको उक्त भिडियोलाई भुपेन्द्र अधिकारी र सुबर्ण दुलालले सम्पादन गरेका छन् ।
