दुर्गेशको ‘ख्यास्स पुतली’ तीज गीत युट्युब ट्रेन्डिङको शिर्ष स्थानमा
गायक दुर्गेश थापाको तीज गीत बीच्च बीच्चमा ४ ‘ख्यास्स पुतली’ छोटो समयमै युट्युबको शिर्ष स्थानमा पुगेको छ । शुक्रबार डी सिरिज युट्युब च्यानलमार्फत सार्वजनिक भएको उक्त गीत हाल यट्युब ट्रेण्डिङको तेस्रो स्थानमा छ ।
गीतको शब्द थापा र राम खत्रीले लेखेका हुन् । संगीत पनि थापाकै रहेको छ । योगेश काजीले संगीत संयोजन गरेका छन् । अकोस्टिक स्टुडियोमा रेकर्डिङ भएको गीतमा चन्द्र चौधरीले मिक्सिङको काम गरेका छन् ।
काजिस श्रेष्ठले निर्देशन गरेको गीतको भिडियोमा थापा, काजी, चिरञ्जिबी सापकोटा, सन्तोष बानियाँ, विश्व केसी, रोशन एआर लगायतको अभिनय रहेको छ । उक्त भिडियोलाई नवराज उप्रेतीले छायाँकन गरेका हुन् भने पदम सुवेदीले भिडियो सम्पादन गरेका हुन् ।
