श्री एस.टी.सी ग्रुपद्धारा बागमती सरकारलाई २ सय थान अक्सिजन सिलिण्डर र रेगुलेटर सहयोग
श्री एस.टी.सी ग्रुपले बागमती सरकारलाई २ सय थान अक्सिजन सिलिण्डर एवं सिलण्डर रेगुलेटर सहयोग हस्तान्तरण गरेको छ । ग्रुपका प्रबन्ध निर्देशक निर्देशक सुरेन्द्रकुमार उप्रेती र निर्देशक कृष्णप्रसाद दुलालले बागमती प्रदेशका मूख्यमन्त्री डोरमणी पौडेललाई सिलिण्डर र रेगुलेटर हस्तान्तरण गरेका हुन् ।
देशलाई स्वास्थ्य संकट परेको अवस्थामा नागरिक सुरक्षाका लागि ग्रुपले हातेमालो गर्न सधैं तयार रहेको प्रबन्ध निर्देशक उप्रेतीले बताए । सहयोग प्राप्त भएपछि मूख्यमन्त्री पौडेलले कोरोना संक्रमित बिरामीको उपचार व्यवस्थापनका लागि आवश्यक पर्ने जीवनदायक अक्सिजन सिलिण्डर उपलब्ध गराएकोमा गु्रपलाई धन्यवाद दिए ।
साथै, सरकारलाई सहयोग गर्ने व्यवसायीहरुलाई विभिन्न सहुलियत उपलब्ध गराउने समेत प्रतिबद्धता जनाएका छन् । श्री एस.टी.सी. ग्रुप अटोमोबाइलका विभिन्न ब्राण्डका स्पेयर्स पार्ट्स, टायर, ल्युब तथा ब्याट्रीको आधिकारिक बिक्रेता एवं उत्पादक कम्पनी हो ।
