हङकङद्वारा ४ प्रदेशलाई ४८० थान अक्सिजन सिलिण्डर सहयोग
हङकङका दुई संस्था हिस्टर सन होतुङ र अमरधन मेमोरियल फाउण्डेशनले संयुक्त रुपमा ४ सय ५० थान अक्सिजन सिलिण्डर सहयोग गरेको छ । यी दुई संस्थाले झन्डै १ करोड रुपैयाँ बराबरको अक्सिजन सिलिण्डर नेपाललाई सहयोग गरेका हुन् ।
फाउण्डेसनका संस्थापक त्रिलोक गुरुङले पहिलो चरणको सिलिण्डर चार प्रदेशका लागि नेपाल पठाइएको बताए । सिलिण्डर गण्डकी प्रदेशका लागि १२५, कर्णाली प्रदेशका लागि १२५, सुदुरपश्चिम प्रदेशका लागि ११० र बागमती प्रदेशका लागि ९० थान रहेको छ ।
नेपाल आइपुगेका उक्त सिलिण्डरहरु एनआरएन कोभिड–९१९ उच्चस्तरीय कमिटी मार्फत् वितरण हुनेछन् । दोश्रो चरणमा नेपालमा थप १० देखि १२ करोड रुपैयाँ बराबरको स्वास्थ्य सामाग्री पठाउन लागेको संस्थापक गुरुङको भनाइ छ ।
