कपाललाई लामो र मुलायम कसरी बनाउने ?
लामो र स्वस्थ कपाल मन नपराउने व्यक्तिहरु प्राय कमै होलान् । कपाललाई कसरी स्वास्थ र आकर्षक बनाउने भन्ने कुरा सबैको चासोको विषय हो । कपालको हेरचाहको लागि हामीले के के कुरामा ध्यान दिनुपर्छ ? यसै विषयमा लामो समयदेखि यो क्षेत्रमा काम गर्दै आईरहेकी ब्युटिसियन निरु भट्टराईको सुझाव यस्तो छ ।
१. कपाललाई धुवाँ, धुलो जस्ता प्रदूषणबाट जोगाउने ।
२. खानपानमा विशेष ध्यान दिने सादा तथा हेल्दि खाना खाने ।
३. हरेक पटक नुहाउनु भन्दा २ घण्टा अगाडि कपालमा तेल मसाज गर्ने ।
४.कपाल वइली छ भने एक दिन बिराएर र ड्राइ छ भने हप्तामा २ पटक नुहाउनु पर्छ ।
५.कपालमा अमला र मेथिको प्याक बनाएर लगाउदा पनि कपाल मुलायम हुन्छ ।
६.कपालमा ट्रिटमेन्ट क्रिम तथा कन्डिसनरको प्रयोग गर्नाले पनि कपाललाई हेल्दि बनाउन मद्दत गर्छ ।
७.यदि कपाल फुल्ने समस्या छ भने एलोभेराको पेस्ट लगाउने यसले कपाल फुल्ने तथा टुक्रने समस्यालाई कम गर्दै जान्छ ।
८.चिसो कपालमा पटक पटक काँइयो वा ब्रसको प्रयोग नगर्ने यसले धेरै मात्रामा कपाल झर्ने समस्या हुनसक्छ ।
