बालबच्चाहरुलाई तनाव भएको कसरी थाहा पाउने ?

तनाव ठूलालाई मात्र हुन्छ भन्ने छैन, साना बालबच्चाहरुलाई पनि हुन्छ । अझ अहिलेको अवस्थामा बच्चाहरु यसको जोखिममा छन् । बालबच्चाहरुलाई तनाव भएको कसरी थाहा पाउने र तनाव कसरी कम गर्ने ? यस विषयमा मनोरोग विशेषज्ञ डा. केदार मरहठ्ठाको सल्लाह यस्तो छ ।

बालबच्चाहरुको मनोविज्ञान कसरी बुझ्ने ?

बच्चाहरुको तनाव वयस्कहरुको भन्दा केही फरक रुपले प्रकट हुनसक्छ ।
— बच्चाहरु अलिकती धेरै झिँजिराख्ने
— रोइराख्ने, रिसाइराख्ने
— आफ्नो बाबाआमाहरुसँग झुन्डिराख्ने
— अभिभावकहरुलाई छोड्नै नचाहने
— उनीहरुसँगै बस्न चाहने
— कुनैकुनै बच्चाहरु जो पहिला आफ्नो दिसापिसाबमा कन्ट्रोल गर्ने भइसकेका थिए । उनीहरुले पनि राती ओछ्यानमा पिसाब फेर्ने जस्ता कुराहरु फेरि पहिला जस्तै फर्कन सक्छ ।

तनाव कम गर्न के गर्ने

— यी कुराहरुलाई अत्यन्तै ध्यान दिएर हेर्नुपर्छ ।
— यी कुराहरु हामीले बच्चाहरुमा देख्याँै भने उनीहरुलाई अलिकति सहयोग गर्ने किसिमले अलि दयालु भएर उनीहरुसँग व्यवहार गर्नुपर्ने हुन्छ ।
— बच्चाको रुची र चाहना अनुसार यस्तो काम गर्नुपर्छ, जसले उसलाई खुशी तुल्याउन सकियोस् ।
— खेल्न र रमाउन दिनुपर्छ ।
— सकारात्मक कुराहरु सिकाउनुपर्छ ।