मेलम्चीको पछिल्लो अवस्था : हेर्नुहोस् प्रत्यक्ष प्रशारण
सिन्धुपाल्चोकको मेलम्ची र इन्द्रावती नदीमा आएको बाढीका कारण मेलम्ची बजार आसपासका बस्ती डुबानमा परेका छन् । मंगलबारदेखि परेको अविरल वर्षाले नदी आसपासका १२ घर बगाएको र ६ जनाभन्दा बढी मानिस बेपत्ता भएको सिन्धुपाल्चोक जिल्ला प्रहरी कार्यालयका प्रमुख एसपी राजन अधिकारीले बताए ।
‘मंगलबार साढे ४ बजेबाट मेलम्ची नदीको बहाब बढ्न सुरु भएको थियो,’ एसपी अधिकारीले भने, ‘साँझ ७ बजेतिर ठूलो भेल आयो जसले नदी आसपासका घर बगायो ।’
मेलम्ची बजार बाढीले क्षत विक्षत बनाएको छ । तिम्बुदेखि ग्याल्थुमसम्म ५ वटा र मेलम्ची बजार आसपासमा ७ वटा घर बगाएको उनले जानकारी दिए । यसैगरी, झोलुङ्गे र पक्की पुल पनि बाढीले बगाएको छ ।
