नेपाल–चीन कार्यकारी परिषदद्वारा शहीद गंगालाल र राष्ट्रिय आयुर्वेदलाई ५० लाखको स्वास्थ्य सामग्री सहयोग



नेपाल–चीन कार्यकारी परिषद्ले बाँसबारीस्थित शहीद गंगालाल हृदयरोग केन्द्र र कीर्तिपुरस्थित राष्ट्रिय आयुर्वेदिक अनुसन्धान तथा तालिम केन्द्रलाई ५० लाख बराबरको स्वास्थ्य सामग्री सहयोग गरेको छ ।

यी दुई अस्पतालका कोभिड युनिटलाई तेस्रो चरणको सहयोग अभियानअन्तर्गत परिषद्ले अक्सिजन कन्सन्ट्रेटर, पावर एअर प्युरिफायर रेस्पिरेटर (पीएपीआर), पीपीई, मास्क, सर्जिकल गाउन, पञ्जालगायतका सामग्री उपलब्ध गराएको हो ।

गंगालाल अस्पताललाई परिषद्ले ११ वटा पीएपीआर मेसिन सहयोग गरेको छ । यो मेसिनले श्वासप्रश्वासको हावा शुद्धिकरण गर्दछ । व्याट्रीबाट चल्ने फिल्टरसहितको यो उपकरण लगाएर संक्रमितको उपचारमा होमिएका चिकित्सक तथा स्वास्थ्यकर्मी सहयोग मिल्नेछ ।

कोरोना महामारी सुरु भएयता नेपालमा करिव २० सरकारी अस्पताललाई ११ करोड रुपैयाँभन्दा बढी स्वास्थ्य सामग्री उपलब्ध गराइएको परिषद्का अध्यक्ष अनुपरञ्जन भट्टराई बताउँछन् ।

चीनको स्वायत्त प्रदेश तिब्बतस्थित अन्तर्राष्ट्रिय मित्रताका लागि चिनियाँ जनसंघले नेपालस्थित समकक्षी मैत्री संस्था नेपाल चीन कार्यकारी परिषद्लाई सबै स्वास्थ्य सामग्री उपलब्ध गराएको हो ।

सन् २००३ मा स्थापित परिषद्ले नेपालको व्यापार, पर्यटन तथा लगानी प्रवद्र्धनका क्षेत्रमा काम गर्दै आएको छ ।



Leave a Reply

Your email address will not be published. Required fields are marked *

सम्बन्धित खबरहरु

यो पर्व आश्विन कृष्णपक्षको सप्तमी, अष्टमी र नवमी तिथिमा तीन दिनसम्म हर्षोल्लासका साथ मनाइन्छ । मैथिली र थारु समुदायका महिलाले

कोभिड महामारीपछि सुनसान बनेको गौतमबुद्धको जन्मस्थल लुम्बिनीमा पछिल्लो समय आन्तरिक पर्यटकको संख्या बढ्न थालेको छ । कोभिड–१९ का कारण धरासायी

खासगरी बालबालिकाहरु जंक फुड धेरै रुचाउँछन् । यस्तो खाना स्वादमा मिठो भएपनि स्वास्थ्यमा खराब असर गर्छ । खराब खानाले बालबालिकाको

मध्य भोटेकोशी जलविद्युत् कम्पनी लिमिटेडले आयोजना प्रभावित स्थानीयवासीका लागि निष्काशन गरेको प्रारम्भिक सार्वजनिक निष्कासन(आइपीओ) बाँडफाँट गरेको छ । कम्पनीको धितोपत्र

Suggested