English

निषेधाज्ञाले रोक्न नसकेको रोपाईं (फोटो फिचर)



कोरोनाको कहरका कारण यतिबेला देश बन्दाबन्दीको अवस्थामा छ । व्यापार, उद्योगधन्दा, बैंक, वित्तीय संस्था सबै ठप्प छन् । तर, कृषकलाई भने यो निषेधाज्ञाले छेकेको छैन ।

यद्यपि, रोपाईंका लागि चाहिने खाद्य सामाग्री ढुवानीमा भने समस्या भएको किसानहरु बताउँछन् । साथै, बिक्री गरिएको गहुँको मूल्य नपाएको भजनी नगरपालिकाका किसानहरुको गुनासो छ ।

साथै, वर्षा लाग्नै लाग्दा यस नगरपालिकाका कृषकलाई बाढीको चिन्ताले पनि सताउन थालेको छ । त्यसो त किसानहरुले वर्षे पानी पर्नुभन्दा अगावै रोपाई गर्छन् । त्यसैले यस क्षेत्रका कोही किसान रोपाईमा त कोही रोपाईको तयारीमा व्यस्त छन् ।

वर्षे पानी पर्नु अगावै रोपाई गर्दा खर्च बढी लाग्ने र छिटो रोपाई नगरे बाढी आएर रोपेको धान बगाउने समस्या रहेको किसान खुशीराम चौधरी बताउँछन् । ‘पानी पर्नु अगावै रोपाईं गर्दा पानी तान्नको लागि डिजेल बढी लाग्छ र यो वर्ष तेलको मूल्य पनि बढेको छ,’ उनी भन्छन्, ‘पानीको आशामा रोपाई गरियो भने रोपेको धान बाढीले बगाएर लैजान्छ । त्यसैले पानी पर्नु भन्दा पहिला नै रोपाई गर्नु पर्छ ।’

कोरोना महामारीका कारणले किसानलाई रोपाईंको लागि आवश्यक पर्ने सामाग्री किनमेल गर्न समस्या परेको उनको भनाई छ । ‘बजारमा सामानको अभाव छैन तर सामान खरिदका लागि आउजाउ गर्न समस्या छ’ उनले भने ।

यसैगरी कुष्णा चौधरी अरु वर्ष भन्दा यो वर्षको रोपाई ढिलो भएको बताउँछिन् । ‘निषेधाज्ञाका कारणले बेचेको गहुँको मूल्य पनि पाएको छैन,’ उनले भनिन् ।

खेत जोत्न, मल बोक्न र रोपाईको आवश्यक सामाग्री ओसार–पसार गर्नका लागि प्रयोग भएको टेक्टरलाई रोक लगाएको र किसानलाई समस्या रहेको भल्मन्सा समाजका अध्यक्ष केवल चौधरी बताउँछन् । ‘प्रहरी प्रशासनले किसानको टेक्टरलाई रोक लगाएको छ ।’ उनी भन्छन्, ‘ यस विषयलाई प्रहरी प्रशासनसँग समन्वय गरेर छिटै समाधान गर्ने छौ ।’

किसानको लागि मलको अभाव नरहेको तर निषेधाज्ञाका कारणले मल ढुवानी गर्न समस्या भएको व्यापारी कमला ज्ञवाली बताउँछिन् । ‘मलको अभाव छैन तर मलको ढुवानी गर्न निषेधाज्ञाले समस्या परेको छ,’उनले भनिन् ।

यो पनि पढ्नुहोस्
कोरोना संक्रमितले खानैपर्छ यस्ता झोलिलो कुरा
हिमाली क्षेत्रको जनताका लागि काल बन्दै यार्सागुम्बा



Leave a Reply

Your email address will not be published. Required fields are marked *

सम्बन्धित खबरहरु

काठमाण्डौं । अमेरिकामा बस्दै आएकी नेपाली लोकगायिका अमृता लुङ्गेली मगरको स्वरमा तिहार विशेष गीत ‘झिलीमिली देउसी भैलो’ सार्वजनिक भएको छ।

काठमाडौँ : नेपालको अग्रणी डिजिटल भुक्तानी सेवा प्रदायक इसेवाले नेपाल प्रिमियर लिग (एनपीएल) २०२६ मार्फत दुर्लभ तथा सङ्‌कटापन्न वन्यजन्तु रेड

हङकङ — ‘सगरमाथालाई अनुभव गरौँ, रसुवालाई सहयोग गरौँ’ भन्ने नारासहित नेपाली वृत्तचित्र ‘रोड टु एभरेष्ट’को विशेष प्रदर्शन आइतबार हङकङमा सम्पन्न

काठमाडौं, १३ कात्तिक । रिपोर्टर्स क्लब नेपालले विभिन्न सञ्चारगृहमा प्रहरी प्रवेश गरी पत्रकारहरूलाई नियन्त्रणमा लिएको घटनाप्रति गम्भीर आपत्ति जनाएको छ।

Latest










Popular
Suggested