कोरोना संक्रमित घट्दै, निको हुने बढ्दै
नेपालमा पछिल्लो केहीदिन यता कोरोना संक्रमित हुनेको संख्या घटिरहेको छ भने निको हुनेको संख्या दैनिकजसो बढीरहेको छ । स्वास्थ्य तथा जससंख्या मन्त्रालयका अनुसार पछिल्लो २४ घन्टामा ६ हजार ८० जना संक्रमणमुक्त भएका छन् । यो सँगै नेपालमा संक्रमण जित्नेको संख्या ४ लाख ३४ हजार ७ सय ५० पुगेको छ ।
यसैगरी, आज थप ४ हजार ४ सय ८७ जनामा संक्रमण पुष्टि भएको छ । नेपालमा हालसम्म कोरोना संक्रमित हुनेको संख्या ५ लाख ५३ हजार ४ सय २२ पुगेको छ ।
पछिल्लो २४ घन्टामा थप १ सय १६ जना संक्रमितको मृत्यु भएको छ । नेपालमा ७ हजार १ सय ६३ जना संक्रमितको मृत्यु भइसकेको छ ।
नेपालमा हाल १ लाख ११ हजार ५ सय ९ जना सक्रिय संक्रमित रहेका छन् । जसमध्ये, १ लाख ३ हजार ७ सय होम आइसोलेसन र ७ हजार ८ सय ९ जना संस्थागत आइसोलेसनमा छन् ।
यसैगरी, १ हजार ६ सय १४ जना संक्रमितको आईसियूमा उपचार भइरहेको मन्त्रालयले जनाएको छ । जसमध्ये, ४ सय ५७ जना भेन्टिलेटरमा छन् ।
आज १४ हजार ७ सय ५२ नमूना परीक्षण भएको छ ।
