एकैदिन ६ हजार ८ सय ९१ जनाले जिते कोरोना
नेपालमा गत २४ घण्टामा थप ६ हजार ८ सय ९१ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या ३ लाख ५२ हजार ४ सय १४ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा १ सय ९६ जनाको कोरोना भाइरसका कारण निधन भएको छ । योसँगै नेपालमा कोरोना भाइरसका कारण निधन हुनेको कुल संख्या ५ हजार ४ सय ११ रहेको स्वास्थ्य मन्त्रालयले जनाएको छ ।
त्यस्तै नेपालमा गत २४ घण्टामा ८ हजार २ सय ३ जनामा संक्रमण पुष्टि भएको छ । योसँगै नेपालमा कुल कोरोना संक्रमितको संख्या ४ लाख ७२ हजार ३ सय ५४ पुगेको छ । क्वारेन्टाइनमा हाल ७ सय ५२ जना छन् भने आइसोलेशनमा रहनेको संख्या १ लाख १४ हजार ५ सय २९ रहेको छ ।
