एकैदिन ५ हजार ५५ जना कोरोना संक्रमण मुक्त
गत २४ घण्टामा नेपालमा ५ हजार ५५ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या ३ लाख २१ हजार ५ सय १८ रहेको स्वास्थ्य मन्त्रालयले जनाएको छ ।
त्यस्तै पछिल्लो २४ घण्टामा नेपालमा २ सय १४ जना कोरोना संक्रमितको मृत्यु भएको छ । यो संख्या विभिन्न मितिमा नेपाली सेनाले शव व्यवस्थापन गरेकाहरुको संख्या हो । योसँगै नेपालमा कोरोना भाइरसबाट मृत्यु भएकाहरुको कुल संख्या ४ हजार ४ सय ६६ पुगेको छ ।
नेपालमा गत २४ घण्टामा ८ हजार ९ सय ६० जनालाई कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या ४ लाख ३१ हजार १ सय ९१ पुगेको छ । नेपालमा ४ सय ९७ जना क्वारेन्टाइनमा रहेका छन् भने आइसोलेशनमा १ लाख ५ हजार २ सय ७ जना छन् ।
