English

कैलालीमा स्वाब संकलन स्थगित



कैलालीमा अस्पतालको क्षमताले नधान्ने भएपछि स्थानीय निकायमा गएर गरिँदै आएको स्वाब संकलन केही दिनका लागि स्थगित गरिएको छ । जिल्ला प्रशासन कार्यालय कैलालीका प्रमुख जिल्ला अधिकारी खगेन्द्रप्रसाद रिजालका अनुसार जिल्लामा संक्रमितको संख्या ह्वात्तै बढेको र अस्पतालले नधान्ने स्थिति आएपछि शनिबारदेखि स्वाब संकलन बन्द गरिएको हो ।

यसैगरी, कैलालीस्थित घोडाघोडी अस्पतालका अध्यक्ष विष्णु सापकोटाले पनि हाललाई स्वाब संकलन बन्द गरिएको जानकारी गराए ।
‘स्थानीय तहबाट धेरै स्वाब संकलन भए र सेती अञ्चल अस्पतालको २ सयदेखि २ सय ५० स्वाब परीक्षण गर्ने क्षमता छ,’ उनले भने, ‘अस्तपालले नै नथेग्ने भएपछि जिल्लामा स्वाब संकलन बन्द गरिएको हो ।’ संक्रमणको दर तीव्र गतिमा फैलिएपछि कैलालीमा ३० गतेसम्म निषेधाज्ञा जारी छ ।

बैंक र वित्तिय संस्थाहरु बिहान ९ बजेदेखि ११ बजेसम्म जिल्लाभर एउटामात्र शाखा सञ्चालन गर्न जिल्ला प्रशासन कार्यालयले निर्देशन गरेको छ । यसका साथै खाद्यान्न पसलहरु बिहान ६ बजे देखि ९ बजेसम्म खुल्ला गर्न र सरकारी कार्यालयका कर्मचारीलाई सवारी साधनको कम प्रयोग गर्न भनिएको छ ।

कैलालीको गौरीफन्टा नाकाबाट दैनिक ८ सयदेखि १ हजार मानिस नेपाल भित्रिने गरेको कार्यालयका सूचना अधिकारी शिवराज जोशीले जानकारी दिए । उनका अनुसार यो नाकाबाट मात्र चैतदेखि अहिलेसम्म ४३ हजार हाराहारीमा मानिसहरु भारतबाट नेपाल भित्रिएका छन् ।
उनीहरुको एन्टिजीन परीक्षण गरी नेपाल भित्र्याइएको जोशीले बताए । कोरोना पुष्टि भएका ६० जनालाई धनगढी उप–महानगरपालिका वडा नं. १५ मा रहेको आइसोलसनमा राखिएको छ ।

यसैगरी कैलालीमा खाद्यान्न, औषधि, अस्पताल जाने बिरामी, कुरुवा, कार्यालय जाने कर्मचारी बाहेक अरुलाई बाहिर हिँडडुल गर्न नदिइएकोे प्रहरी कार्यालय कैलालीका डिएसपी भरतबहादुर चौधरीले बताए । ‘अनावश्यक हिँडडुल गर्न दिएका छैनौं,’ उनले भने, ‘मास्क नलगाउने र अनावश्यक हिँडडुल गर्नेलाई २ देखि ३ घण्टा होल्डमा राखेर कारवाही गरेका छौं ।’ निषेधाज्ञा उल्लंघन गर्ने, मास्क नलगाउने १० हजार ३ सय ६१ जनालाई कारवाही गरिएको चौधरीले जानकारी दिए ।



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,