अनलाइन जुवा (सट्टावाजी) र लागू औषध समेत मुद्दामा संलग्न मानिस पक्राउ

मिति २०८२।०५।०९ गतेका बेलुकी करिब १७:३० बजेको समयमा जिल्ला ललितपुर ल.पु.म.न.पा. वडा नं. ४ शान्तिकुना मार्ग स्थितमा अनलाइन जुवा (सट्टावाजी ) खेल्ने खेलाउने कार्य हुने गरेको छ भन्ने विशेष सूचनाको आधारमा काठमाण्डौं उपत्यका प्रहरी कार्यालय र यस कार्यालयबाट खटिएको संयुक्त प्रहरी टोलीले उक्त कार्यमा संलग्न रहेको व्यक्तिको पहिचान एवं खोजतलास गर्ने क्रममा जिल्ला ललितपुर ल.पु.म.न.पा. वडा नं. ४ शान्तिकुना मार्ग स्थितमा कोठा भाडामा लिई बस्ने जिल्ला सिन्धुली कमलामाई नगरपालिका वडा नं. २ पिपलभन्ज्याङ स्थायी वतन भएका बर्ष २६ को गौरव स्याङतानलाई फेला पारी निज बस्दै आएको डेराकोठामा खानतलासी गर्दा नेपाली रुपैयाँ रु. ५००।- दरका र रु. १,०००।- दरका नोटहरु समेत गरी जम्मा रु. ९१,५०,०००।- (अक्षेरुपी एकानब्बे लाख पचास हजार रुपैयाँ) सहित मोवाईल सेटहरु, ipad, Laptop , नोट (पैसा) गन्ने मेसिन, तौल गर्ने तराजु र खानतलासी कै क्रममा निजको कोठामा लुकाई छिपाई राखेको अवस्थामा गाँजा जस्तो देखिने पदार्थ समेत फेला पारी तौल गर्दा १ के.जी. ५०० ग्राम समेत वरामद गरी निम्न दशीका सामानहरु समेत कानुन बमोजिम रितपुर्वक बरामद गरी आवश्यक कारवाहीको लागि दाखिला गरेकोमा निज प्रतिवादी गौरव स्याङतान उपर थप अनुसन्धान भई रहेको ।
बरामद दशीहरु :
१. नेपाली रुपैयाँ रु. ९१,५०,०००।- ( अक्षेरुपी एकानब्बे लाख पचास हजार रुपैयाँ )
२. नोट ( पैसा) गन्ने मेसिन थान-१ ।
३. तौल गर्ने तराजु थान-१
४. गाँजा जस्तो देखिने पदार्थ १ के.जी. ५०० ग्राम ।
५. विभिन्न कम्पनीको मोबाईल सेटहरु थान-११ ।
६. ipad Model no: MR7J2LL/A को थान-१ ।
७. ल्यापटप थान-१ ।
८. गौरव स्याङतान नाम उल्लेख भएको विभिन्न बैंकको नामको ATM कार्ड थान- ८
९. CHEWANG’S PLAY GROUND लेखेको बोर्ड थान-१
१०. IEASUM 4G + LTE Mobile WIFI HOTSPOT (पकेट राउटर) थान-१

स्रोत: नेपाल प्रहरी