कोराना संक्रमित र मृतकको संख्या हालसम्मकै उच्च
नेपालमा पछिल्लो २४ घण्टामा थप ८ हजार ६५९ जनालाई कोरोना संक्रमण पुष्टि भएको छ । त्यस्तै ५८ जनाको पछिल्लो २४ घण्टामा कोरोना भाइरसका कारण निधन भएको छ ।
गत २४ घण्टामा पीसीआर विधिबाट २० हजार ७५६ जनाको कोरोना परीक्षण भएको थियो भने ७५६ जनाको एन्टिजेन विधिबाट कोरोना परीक्षण भएको स्वास्थ्य तथा जनसंख्या मन्त्रालयले जनाएको छ ।
जसमध्ये ८ हजार ६ सय ५ जनाको पीसीआर र एन्टिजेन विधिबाट ५४ जनामा कोरोना रिपोर्ट पोजेटिभ आएको हो । योसँगै देशभर सक्रिय संक्रमितको संख्या ६६ हजार ३५२ पुगेको छ ।
अहिले होम आइसोलेशनमा रहनेको संख्या ६१ हजार ५ सय ८८ र संस्थागत आइसोलेशनमा ४ हजार ७ सय ६४ जना रहेका छन् । त्यस्तै गत सोमवार देखि हालसम्म ५२ हजार ५ सय ४५ जनामा कोरोना परीक्षण हुँदा २३ हजार ७१३ जनामा संक्रमण पुष्टि भएको छ । त्यस्तै ५ हजार ७ सय ८९ जना डिस्चार्ज भएका छन् ।
काठमाडौं उपत्यकामा आज ४ हजार ८ सय २५ जनामा कोरोना संक्रमण पुष्टि भएको छ । जसमध्ये भक्तपुरमा ४ सय ५८ जना, ललितपुरमा ५ सय १८ र काठमाडौंमा ३ हजार ८सय ४९ जनामा कोरोना संक्रमण पुष्टि भएको हो ।
यो संख्या नेपालमा एकैदिन फेला परेको अहिलेसम्मकै सबैभन्दा धेरै हो ।
