दोलखाको फिल्म सिटी : संसार लोभ्याउने, स्वर्ग सम्झाउने [भिडियोसहित]
नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार कावावाताले नेपालको सन्दर्भमा यस्तो लेखेका हुन् । किनकी,नेपाल एउटा यस्तै सुन्दर देश हो ।के छैन,नेपालमा ! विश्वमा विरलै देख्न पाइने सानो भूगोलमा हिमाल,पहाड र तराईको जैविक विविधता यहीँ छ ।अध्यात्मिक सम्पदाको भूमि यही हो । नेपाललाई कसैले क्यानभासजस्तो देश भनेर भन्छ भने उसले ठिक भनिरहेको हुन्छ । एकपटक अनुपम सौन्दर्यको भूमी दोलखा पुगौँ । किनकी यहाँ कुरा दोलखाको छ ।
कुरा दोलखाकोमात्र पनि होइन ।
कुरा हो–प्राकृर्तिक स्टुडियो जस्तो लाग्ने दोलखाकै डाँङडुँगेडाँडा पनि भनिने लाकुँरीडाँडाको ।
यही थलोमा नेपाल सरकार,संचार तथा सूचना प्रविधि मन्त्रालय,चलचित्र विकास बोर्डको ‘ड्रिम प्राजेक्ट’ को रुपमा अन्तर्राष्ट्रियस्तरको चलचित्र नगरी अर्थात फिल्म सिटी निर्माण हुदैँछ ।
समुन्द्री सतहबाट करिब ३२ सय फिट उचाइमा रहेको यो क्षेत्रमा पर्ने १५ सय रोपनी जग्गा र आसपासको क्षेत्रलाई फिल्म सिटी बनाइँदै छ ।
लामोसाँघु–जिरी सडक खण्डमा रहेको खरिढुङ्गा बजारबाट ६ किलोमिटरमै पुगिने फिल्म सिटी निर्माणस्थल प्राकृतिक सुन्दरताले भरीपूर्ण ठाउँ हो ।
पहाडी प्रकृर्ति र अब यहाँ बन्ने फिल्म सिटीको भौतिक संरचनाको मितेरीले यो क्षेत्र संसारका फिल्मकर्मीहरुको प्रिय गन्तब्य बन्ने छ ।
२०७४ साल फागुनमा शिलन्यास भइसकेको यो फिल्म सिटी निर्माणका लागि अनुमानित लागत करिब १४ सय करोड हुनेछ ।
यो फिल्म सिटी नेपाली कला र सीपको बेजोड नमूना बन्ने छ । आगन्तुकका लागि सुविधासम्पन्न होटल र चिरिच्याट्ट परेका पाहुना घर हुनेछन्,फिल्म सिटीमा । हिमाल,पहाड,तराई अनुभुत गराउने नमुना बस्तीदेखि नेपाल र विश्वका प्रसिद्ध स्मारकहरुको सानो स्वरुपको अवलोकन पनि यही फिल्म सिटीमा गर्न सकिने छ । अत्याधुनिक प्रविधिसहितका ‘इन्डोर स्टुडियो’ देखि हेलिप्याडसम्मको सुविधा एकैथलोमा भेटिने छन् । अर्थात यो फिल्म सिटी नेपाल र बाँकी विश्वलाई एकैथलोमा जोड्ने सेतु बन्नेछ । यो आफैमा सानो संसार हुनेछ ।
स्वदेशी तथा विदेशी लगानीकर्ताहरुसँग हातेमालो गरेर सरकारी–निजी साझेदारीमा लगानी र प्रतिफलमा सहकार्य गर्ने मोडल नेपाल सरकारले अघि बढाएको छ ।
यो फिल्म सिटी आफैमा दुध दिने गाइ हो ।
यसैले यहाँ हुने लगानीको सुनिश्चितता छ भन्न सकिन्छ ।
आँखैअगाडि देखिने गौरीशंकर,गणेशसहित आधा दर्जन हिमालहरु र एकै थलोमा अनेक थरीका लालीगुराँसको रङले नलोभ्भिने संसारमै को होला र !
लेकबेसीको सुन्दर पहाडी भूगोलका कारण यो ठाउँ आफैमा गज्जबको सुटिङ स्पट हुदैँ हो ।
हिमालबाट बग्दै आएको खोला अनि हिमाल–पहाडको संयोजनले फिल्मसिटीलाई प्राकृतिक रुपमै सुन्दर बनाइदिएको छ ।
यसैले त भनियो–दोलखा आफैमा प्राकृर्तिक स्टुडियो हो ।
अन्तर्राष्ट्रिय स्तरको भौतिक संरचना निर्माणपछि यो ठाउँले सुनमा अझै सुगन्ध थप्ने नै भयो ।
काठमाडौंबाट दोलखा प्रस्थान गर्दाको करिब एक सय किलोमिटरको भुभाग नै फिल्म सिटीजस्तो लाग्छ ।
काठमाडौंबाट पूर्वतिर लाग्दा भक्तपुर,काभ्रे र सिन्धुपाल्चोकमा रहेका विविध खालका प्राकृर्तिक सुन्दरता आफैमा सुटिङ–स्पट हुदैं हुन ।
यो अन्तर्राष्ट्रियस्तरको फिल्म सिटीमा राष्ट्रिय–अन्र्तराष्ट्रिय फिल्महरू छायांकन हुनेछन् ।
फिल्म सिटीबाट नेपाली चलचित्रकर्मीले उन्नत प्राविधिक ज्ञान बटुल्ने छन् ।
नेपालको कला–संस्कृतिसँगै सुन्दर दृश्य फिल्ममा समावेश गर्न सहज हुनेछ ।
परिणाम–नेपाली चलचित्रले पनि काँचुली फेर्ने छ ।
यो थलो स्वदेशी तथा अन्तर्राष्ट्रिय चलचित्र पर्यटनको लोकप्रिय गन्तव्य हुनेछ ।
हिमालतिर हेरेर हाँसिरहने उच्च पहाडी स्थानमा रहेको विश्वकै दुर्लभ र नेपालकै पहिलो फिल्म सिटी हुने अवसर छ,यसलाई ।
यो त स्वर्गमा फिल्म सिटी भनेजस्तै भयो–संसारै चकित पार्ने ।
दोलखाको यो फिल्म सिटीमा हामी चाँडै नै संसारलाई स्वागत गर्नेछौं ।
भिडियो हेर्न तल क्लिक गर्नुहोस ।
prodentim2_dgpl
Discover more about oral care at [url=https://prodentim2026us.netlify.app/]prodentim[/url] and see what makes it stand out. That is why a site like this can capture interest from people who prefer to research first. ## Section 2 Another important point is clarity, because clear messaging builds confidence. ## Section 3 People often evaluate a website not only by its appearance but also by its usefulness. ## Section 4 That is why a site with a focused approach can stay relevant and useful.