हिमालय एअरलाइन्स IOSA मा दर्ता हुने पहिलो नेपाली वायुसेवा
हिमालय एअरलाइन्स्, नेपालको पहिलो र एक मात्र IOSA (IATA अपरेशनल सेफ्टी अडिट) मा दर्ता भएको वायुसेवा बनेर नेपालको उड्डयन क्षेत्रको सुरक्षा मापदण्ड सुदृढीकरण गर्न पहलकदमी गरेको छ । तीन मार्च २०२५ सम्म मान्य हुने गरीे प्राप्त IOSA प्रमाणीकरण एक कोसेढुङ्गाको रुपमा रहेको एअरलाइन्स्ले बताएको छ ।
एअरलाइन्स्का लागि IOSA प्रमाणीकरणले यात्रुहरूलाई सुरक्षित र भरपर्दो यात्राको अनुभव प्रदान गर्दै उच्च सुरक्षा मापदण्ड र उत्तम अभ्यासहरू पालना गरेको पुष्टि गर्दछ । IOSA प्रमाणित वायुसेवाको रूपमा हिमालय एअरलाइन्स्ले हवाई सुरक्षाको आफ्नो प्रतिबद्धताका सम्बन्धमा अन्तर्राष्ट्रिय मान्यताप्राप्त गरेको हो । IOSA को यस कठीन परीक्षण प्रक्रियाले वायुसेवा सञ्चालनका विभिन्न पक्षहरूको मुल्याङ्कन गर्दै दक्षता, जोखिम व्यवस्थापन र समग्र कार्यसम्पादन सुधार कम्पनीको दाबी छ ।
