मानसिक स्वास्थ्य सम्बन्धी बुझ्न पढ्नै पर्ने एक पुस्तक

नेपाली समाजमा मानसिक स्वास्थ्यलाई लाजको विषय बनाइने गरेको छ । मानसिक समस्या ढाकछोप गर्नाले रोग झन जटिल बन्दै गैरहेको हुन्छ । मानसिक रोग एकपटक लागेपछि कहिल्यै सन्चो हुँदैन भन्ने भ्रम व्याप्त छ । यसै भ्रमलाई चिर्न विश्व मानसिक स्वास्थ्य दिवसको अवसरमा खिमा रिजालको यसै सम्बन्धी पुस्तक ‘अन्तर्मनका रंगहरू’ विमोचन भएको छ ।

पुस्तकमा रिजालले कामको सिलसिलामा अध्ययन गरेका मनोपरामर्श र आचारसंहिता ,मानसिक स्वास्थ्य र जटिलता, त्यसको समाधान, तनाव व्यवस्थापन आत्महत्या रोकथाम,मनोत्रास चिन्ताजन्य विकार ,लैङ्गिक हिंसामा मनोसामाजिक सहयोग,कन्भर्सन डिसअर्डर ,छारेरोग,उदासीनता, मेनोपज, लागुपदार्थ सम्बन्धी समस्या , इन्टरनेटको लत सिजोफ्रेनिया लगायतका बिषयमा घटना अध्ययन र त्यसको समाधानसहित मिहिन ढंगले बर्णन गरेका छन् । अनामिकाको सुन्दर आवरण चित्र रहेको यो पुस्तक हरेकले पढ्न जरूरी छ ।

तस्विर : मेरो लाइफस्टाइल