‘प्रभातफेरी’ पुग्दा अतितका दिनहरू सम्झिएँ
मंगलबार साँझ हिमालयन उद्धार संघको व्हाट्सएप ग्रुपमा बुधबार बिहान पाटनढोकामा हुने ४४ औँ विश्व पर्यटन दिवस ‘प्रभातफेरी’ मा सहभागी हुन जानकारी सहितको म्यासेज आयो । त्यसैले म बुधबार बिहानै क्यामेरा समातेर सिनामंगलबाट पाटनढोका तर्फ लागेँ । पाटन प्रवेश गर्नको लागि शंखमूल पुल पार गरेपछि इन्द्रचोक नजिकैको मखन टोलमा रहेको मेरो पुर्खाको घर, जहाँ म हुर्किएको मेरा सुरुका दिनहरू सम्झिएँ । नजिकैका मन्दिरहरू र पाटीहरूबाट भजनको सुमधुर आवाज सुनेपछि लाग्यो–पाटनमा पुरानो संसारको आकर्षण अझै छ। बगलामुखी मन्दिर वरपरको वातावरण र वातावरण निकै आकर्षक थियो । फुटपाथ व्यापारीले कुनै डर त्रासविना नै आफ्नो व्यवसाय सञ्चालन गरेको देख्दा मलाई खुसी लाग्यो । पाटनको गल्ली एकदमै सफा थियो । पसल र मन्दिरबाट आएको धूपको गन्धले झनै न्यानोपन थप्यो । पाटनढोका पुगेपछि ४४औँ विश्व पर्यटन दिवसको अवसरमा उपस्थित कर्मचारी र सहभागीहरूले पर्यटन मन्त्रीसँग तस्बिर खिचेर रमाइलो गर्दै गरेको देखेर मलाई रमाइलो अनुभूति भयो । त्यसैले ४४ औँ विश्व पर्यटन दिवसको अवसरमा मनाउन लागिएको ‘प्रभातफेरी’ मेरो लागि उत्साहजनक रह्यो ।
शब्द/तस्बिर : विकास रौनियार
यो पनि…
बिन्दु सुवेदीको ‘युरोप यात्राका संस्मरण’ लोकार्पण (फोटो फिचर)
माइती नेपालको तीज विशेष कार्यक्रम (फोटो फिचर)
