कोरोनाबाट थप १९ जनाको मृत्यु, ५७ सय भन्दा धेरैलाई संक्रमण
नेपालमा पछिल्लो २४ घण्टामा ५ हजार ७६३ जनालाई कोरोना संक्रमण पुष्टि भएको छ । योसँगै नेपालमा कोरोना संक्रमितको कुलसंख्या ३ लाख २८ हजार ८ सय ९३ रहेको स्वास्थ्य मन्त्रालयले जनाएको छ ।
त्यस्तै पछिल्लो २४ घण्टामा नेपालमा १९ जनाको मृत्यु भएको छ । योसँगै नेपालमा अहिलेसम्म ३ हजार २ सय ९८ जनाको मृत्यु भएको छ । त्यस्तै नेपालमा पछिल्लो २४ घण्टामा १ हजार २ सय ८७ जना कोरोना संक्रमण मुक्त भएका छन् ।
योसँगै नेपालमा कोरोना संक्रमण मुक्त हुनेको कुल संख्या २ लाख ८२ हजार ३ सय ८२ रहेको स्वास्थ्य मन्त्रालयले जनाएको छ । नेपालको क्वारेन्टाइनमा रहेकाको संख्या ६७ रहेको छ भने ४३ हजार २ सय १३ जना मानिस आइसोलेशनमा छन् ।
त्यस्तै पछिल्लो २४ घण्टामा १४ हजार ४ सय ३ जनाको पीसीआर परीक्षण भएको छ भने ५ सय ६६ जनाको एन्टिजेन परीक्षण भएको छ । योसहित नेपालमा गत २४ घण्टामा १४ हजार ९ सय ६९ जनाको कोरोना परीक्षण भएको छ ।
