कपडामा बेसारको दाग सजिलै हटाउने यस्ता छन् उपाय

बेसार प्रायः खाना पकाउँदा, वा कुनै पनि सौन्दर्य घरेलु उपचार तयार गर्दा प्रयोग गरिन्छ। यस्तो अवस्थामा कपडामा दाग लाग्नु सामान्य कुरा हो । धेरै पटक तपाईँको नयाँ कपडामा पनि बेसारको दाग लाग्छ, जसबाट छुटकारा पाउन तपाईँले धेरै उपाय अपनाउनुहुन्छ । तर जिद्दी बेसारको दाग कपडामा धेरै रगेड्दा पनि हट्ने नाम लिँदैन। तर अब तपाईँले बेसारको दाग हटाउन चिन्ता लिनु पर्दैन। आज हामी तपाईँलाई बेसारको दाग चाँडै हटाउने केही उपाय बताउन गइरहेका छौँ।

कागतीको रस

कागतीमा पाइने साइट्रिक एसिडले तपाईँको लुगाबाट बेसारको दाग हटाउन निकै मद्दत गर्छ। तपाईँले कागती निचोर्नुहोस् र यसको रस निकाल्नुहोस्। त्यसपछि बेसारको दागमा कागतीको रस लगाउनुहोस् र केही बेर यसरी छोड्नुहोस्। त्यसपछि आफ्नो लुगालाई डिटर्जेन्ट पानीमा हाल्नुहोस् र सफा गर्नुहोस्। लुगामा लागेको बेसारको दाग हट्छ ।

बेसन

बेसनको पीठो लुगामा लागेको दाग हटाउनका लागि पनि निकै फाइदाजनक हुन्छ । बेसनको पीठोको पेस्ट बनाउनुहोस् र बेसार लगाइएको ठाउँमा छोड्नुहोस्। तपाईँको लुगामा बेसारको दाग हल्का हुनेछ।

टुथपेस्ट

कपडामा जिद्दी बेसारको दागले तपाईँको नयाँ लुगाको लुक बिगार्न सक्छ। यस अवस्थामा, तपाईँ बेसारको दाग हटाउन टुथपेस्ट प्रयोग गर्न सक्नुहुन्छ। टुथपेस्टमा बेकिङ सोडा मिसाएर कपडामा भएको बेसारको दागमा हल्का हातले रगड्नु पर्छ, त्यसपछि टुथपेस्टलाई केही बेर राखिदिनुहोस्। त्यसपछि कपडालाई डिटर्जेन्ट पानीमा हालेर सफा गर्नुहोस्।

भिनेगर

कपडाबाट बेसारको दाग हटाउन भिनेगर प्रयोग गर्न सक्नुहुन्छ। तपाईँले गर्नु पर्ने भनेको एक चम्चा तरल डिटर्जेन्ट, एक चम्चा सेतो सिरका पानीमा मिसाउनु हो। यसपछि कपास वा सुती कपडाको सहायताले कपडामा रहेको बेसारको दागलाई हल्का हातले रगेड्नुपर्छ । तपाईँको कपडामा रहेको बेसारको दाग हल्का नभएसम्म यस मिक्सरलाई कपडामा रगड्नुहोस्।

बेकिङ सोडा

कपडाको कुनै पनि प्रकारको दाग सफा गर्न बेकिङ सोडा उत्तम विकल्प हो। तपाईँले गर्नु पर्ने भनेको केही पानीमा बेकिङ सोडा थपेर पेस्ट तयार गर्नु हो। यसपछि यो पेस्ट बेसारको दागमा लगाएर हल्का हातले रगड्नुहोस्। यसो गर्नाले लुगामा लागेको बेसारको दाग हलुका हुन्छ ।

यो पनि…
घरमा रोप्नुहोस् यी औषधीय गुण भएका बिरूवाहरू
पुरानो सामानबाट नयाँ सजावट