देशभर ४,८९७ जनालाई कोरोना संक्रमण, काठमाडौं उपत्यकामै २ हजार भन्दा धेरै



नेपालमा पछिल्लो २४ घण्टामा थप ४ हजार ८ सय ९७ जनामा कोरोना संक्रमण पुष्टि भएको छ । देशभरका प्रयोगशालाहरुबाट गत २४ घण्टामा गरिएको १३ हजार ८ सय ८९ जनाको नमूनाको पीसीआर परीक्षणमा ४ हजार ८ सय ९७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सह प्रवक्ता डाक्टर समीर कुमार अधिकारीले जानकारी दिए ।

त्यस्तै पछिल्लो २४ घण्टामा नेपालमा १७ जनाको कोरोना भाइरसका कारण मृत्यु भएको छ । योसँगै नेपालमा कोरोना भाइरसका कारण निधन हुनेको संख्या ३ हजार २११ पुगेको छ । गत २४ घण्टामा पीसीआर विधिबाट ४ हजार ७७४ र एन्टीजन विधिबाट १ सय २३ जनाको रिपोर्ट पोजेटिभ आएको हो ।

आज काठमाडौं उपत्यकामा, भक्तपुरमा २ सय ३२, ललितपुरमा ३ सय ५१ र काठमाडौंमा १ हजार ४६४ गरी २ हजार ४७ जनामा संक्रमण पुष्टि भएको छ । देशभर अहिले ५४ जना क्वारेन्टाइनमा रहेका छन् ।

गत २४ घण्टामा ७ सय ७३ जना कोरोना संक्रमण मुक्त भएका छन् । अहिले संस्थागत आइसोलेशनमा २ हजार ३६४ होम आइसोलेशनमा २७ हजार ८ सय ४५ जना रहेका छन् ।

त्यस्तै ३१७ जना आइसीयूमा रहेका छन् भने ९८ जनाको भेन्टिलेटरमा रहेका छन् । आज देशभर सक्रिय संक्रमितको संख्या ३० हजार २ सय ९ रहेको छ ।

गत सोमवारदेखि आजसम्म नेपालमा ४० हजार ९ सय ५१ जनाको पीसीआर परीक्षण गरिएको छ । जसमा १२ हजार ५८० जनामा कोरोना संक्रमण पुष्टि भएको छ । १ हजार ७०६ जना संक्रमण मुक्त भइ डिस्चार्ज भएका छन् ।



Leave a Reply

Your email address will not be published. Required fields are marked *

सम्बन्धित खबरहरु

कोरोनाको प्रभाव घटेसँगै बजारमा लगानीयोग्य रकमको अभाव देखिन थालेपछि बैंकहरूले ब्याजदर बढाएका छन् । शुक्रबारदेखि लागू हुनेगरी अधिकांश बैंकले ब्याजदर

कोरोना भाइरसको दोस्रो लहर सुरु भएसँगै काठमाडौंसहित देशभरका चलचित्र हलहरु बन्द भए । करिव ५ महिना बन्द भएका हलहरु काठमाडौं

सामान्यतया मस्तिष्कमा अचानक रक्तसञ्चार बन्द हुनु र दिमागमा भएका रक्तकोषिका फुटेर रगत बग्नुलाई स्ट्रोक अर्थात् पक्षघात भनिन्छ । पक्षघात हुँदा

डा.वासुदेव कृष्ण शास्त्री हरेक चाड–पर्वको आ–आफ्नै महत्व र विशेषता हुन्छ । हरेक पर्व मनाउनुको पछाडि त्यसको धार्मिक, सांस्कृतिक, सामाजिकसँगै वैज्ञानिक