एकैदिन थप ४,५२४ जनामा कोरोना पुष्टि, १८ संक्रमितको मृत्यु



नेपालमा एकैदिन थप ४ हजार ५ सय २४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा त्यति संख्यामा कोरोना पुष्टि भएको हो ।

थपिएकामध्ये, काठमाडौं उपत्यकामा १ हजार ९ सय ६६ जना छन् । जसमा काठमाडौंमा १ हजार ६ सय २, भक्तपुरमा १ सय २४ र ललितपुरमा २ सय ४० जनामा संक्रमण पुष्टि भएको मन्त्रालयले जनाएको छ । यो सँगै नेपालमा हालसम्म कोरोना संक्रमित हुनेको संख्या ३ लाख ७ हजार ९ सय २५ पुगेको छ ।

नेपालमा हाल सक्रिय संक्रमितको संख्या २६ हजार २ सय २५ पुगेको छ । तीमध्ये २ हजार ८ सय ७३ जना संस्थागत आइसोलेसनमा छन् भने २३ हजार ३ सय ५२ जना होम आइसोलेसनमा छन् ।

यस्तै, आज मंगलवार थप १८ जना संक्रमितको मृत्यु भएको छ । यो सँगै नेपालमा मृत्यु हुने कोरोना संक्रमितको संख्या ३ हजार १ सय ९४ पुगेको छ । त्यस्तै, देशभर ३ सय १५ जनाको आइसीयू र ८४ जनाको भेन्टिलेटरमा उपचार भइरहेको छ ।

मंगलवार देशभरका प्रयोगशालाबाट १४ हजार ६ सय ७२ जनाको पीसीआर परीक्षण र १ हजार ९ जनाको एन्टिजेन विधिबाट कोरोना परीक्षण गरिएको छ । जसमध्ये पीसीआर विधिबाट ३ हजार ४ सय ४२ र एन्टिजेन विधिबाट १ सय ६० जनामा संक्रमण पुष्टि भएको मन्त्रालयले जनाएको छ ।



Leave a Reply

Your email address will not be published.

सम्बन्धित खबरहरु

लसुन हाम्रो स्वास्थ्यका लागि निकै फाइदाजनक हुन्छ । लसुन स्वस्थ शरीर र छालाको लागि धेरै उपयोगी हुन्छ । तपाईंले आफ्नो

धेरैको बानी हुन्छ कि उठ्ने बित्तिकै सबैभन्दा पहिले चिया वा कफी पिउने। धेरै मानिसहरू आफूलाई ताजा बनाउन खाली पेटमा चिया

मानव सभ्यताको विकास करोडौँ वर्ष पुरानो हो। आज तपाईँ हामीले देखेको सभ्यता धेरै प्रगतिशील र उन्नत छ, तर करोडौँ वर्ष

साताको पहिलो कारोबार दिन आइतबार सेयर बजार ३२.४३ अंकले बढेको छ। आज नेप्से परिसूचक १.६८ प्रतिशतले बढेर १९६५.९८ बिन्दुमा पुगेर

Suggested