एकैदिन ३,१२२ जनालाई कोरोना, २८ संक्रमितको मृत्यु



नेपालमा देशभर थप ३ हजार १ सय २२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३ हजार १ सय २२ जनामा संक्रमण पुष्टि भएको हो ।

थपिएका मध्ये काठमाडौं उपत्यकामा १ हजार ४ सय ९८ जना छन् । जसमा काठमाडौंमा १ हजार १ सय ३२, ललितपुरमा २ सय ७० र भक्तपुरमा ९६ जनामा संक्रमण पुष्टि भएको छ ।

यो सँगै नेपालमा हाल सक्रिय संक्रमितको संख्या १९ हजार ३ सय ८२ पुगेको छ । ती मध्ये १ हजार ५ सय ९४ जना संस्थागत आइसोलेसनमा छन् भने १७ हजार ७ सय ८८ जना होम आइसोलेसनमा छन् ।

आज देशभर २ सय ५२ जना आइसीयूमा भर्ना भएका छन् र जसमध्ये ६५ जनाको भेन्टिलेटरमा उपचार भइरहेको छ ।
पछिल्लो २४ घण्टामा संक्रमण मुक्त भइ ४ सय ५० जना डिस्चार्ज भएका छन् । हालसम्म कोरोना संक्रमणमुक्त हुने दर ९२ दशमलव ५ प्रतिशत रहेको मन्त्रालयले जनाएको छ ।

यस्तै, आज थप २८ जना संक्रमितको मृत्यु भएको छ । यो सँगै नेपालमा मृत्यु हुने कोरोना संक्रमितको संख्या ३ हजार १ सय ६४ पुगेको छ ।

गत २४ घण्टामा देशभरका प्रयोगशालाबाट ९ हजार २ सय ९२ जनाको पीसीआर परीक्षण भएको छ भने ७ सय ८६ जनाको एन्टिजेन विधिबाट कोरोना परीक्षण गरिएको छ । जसमध्ये पीसीआर विधिबाट ३ हजार ३२ र एन्टिजेन विधिबाट ९० जनामा संक्रमण पुष्टि भएको हो ।



प्रतिक्रिया दिनुहोस !
सम्बन्धित खबरहरु

दोस्रो लहरको कोरोनाले सबै क्षेत्र प्रभावित भएको छ । शिक्षा, अर्थ, व्यपार र यातायात लगायतका व्यवसाय पूर्णरुपमा ठप्प छन् ।

सिन्धुपाल्चोकको मेलम्ची र इन्द्रावती नदीमा आएको बाढीका कारण मेलम्ची बजार आसपासका बस्ती डुबानमा परेका छन् । मंगलबारदेखि परेको अविरल वर्षाले

डा. हेमराज कोइराला । जापानका सर्वश्रेष्ठ जीवित पुरूष केन तनका आफ्नो दीर्घ जीवनको राज शरीरिक शक्रियतालाई मान्छन्। आफूलाई शरीरिक रूपले

राष्ट्रिय गौरवको आयोजना पूर्व-पश्चिम राजमार्ग अन्तर्गतको बुटवल-नारायणगढ सडकखण्ड बिस्तारले तीव्रता पाएको छ । २०१८ सालमा राजा महेन्द्रले शिलान्यास गरेको यो