२४ घण्टामा २६ सय १९ जनालाई कोरोना संक्रमण
१४ जनाको मृत्यु
पछिल्लो २४ घण्टामा नेपालमा थप २ हजार ६१९ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ९७ हजार ८७ पुगेको स्वास्थ्य मन्त्रालयले जनाएको छ ।
त्यस्तै नेपालमा पछिल्लो २४ घण्टामा कोरोना भाइरसका कारण १४ जनाको मृत्यु भएको छ । योसँगै नेपालमा कोरोना भाइरसका कारण निधन हुनेको कुल संख्या हालसम्म ३ हजार १ सय ३६ पुगेको छ ।
त्यस्तै गत २४ घण्टामा नेपालमा ३६८ जना कोरोना संक्रमण मुक्त भएका छन् भने हालसम्म २ लाख ७७ हजार १ सय २३ जना कोरोना संक्रमण मुक्त भएका छन् ।
त्यस्तै नेपालमा अहिले ७१ जना क्वारेन्टाइनमा रहेका छन् भने १६ हजार ८ सय २८ जना आइसोलेसनमा रहेका छन् । अहिलेसम्म नेपालमा २३ लाख ९५ हजार ७ सय २५ जनाको कोरोना परीक्षण भएको छ ।
