काठमाडौं उपत्यकामा ११७४ सहित थप २४२८ मा कोरोना पुष्टि
काठमाडौं उपत्यकामा १ हजार १ सय ७४ सहित विहीवार देशभर थप २ हजार ४ सय २८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा १० हजार ४ सय ४८ पीसीआर परीक्षण गरिएकोमा २ हजार ४ सय २८ जनामा कोरोना पुष्टि भएको हो ।
काठमाडौं उपत्यकामा थपिएका संक्रमितमध्ये काठमाडौंमा ९ सय ८७, भक्तपुरमा ८१ र ललितपुरमा १ सय ६ जना रहेका छन् । यो सँगै नेपालमा हालसम्म २ लाख ९२ हजार १ सय ५२ जनामा कोरोना संक्रमण पुष्टि भएको छ ।
नेपालमा हाल संक्रिय कोरोना संक्रमितको संख्या १२ हजार ६ सय ९० रहेको छ । जसमध्ये होम आइसोलेसनमा ११ हजार ६ सय ७५ जना, संस्थागत आइसोलेसनमा १ हजार १५ छन् । यसैगरी, १ सय ७० जना कोरोना संक्रमितको आइसीयूमा उपचार भइरहेको छ भने ५९ जना भेन्टिलेटरमा छन् ।
पछिल्लो २४ घन्टामा थप ५ जनाको मृत्यु भएको छ । यो सँगै नेपालमा कोरोना संक्रमणबाट मृत्यु हुनेको संख्या ३ हजार १ सय १७ पुगेको मन्त्रालयले जनाएको छ ।
