एकैदिन १२ सय बढीमा कोरोना पुष्टि, ८ जनाको ज्यान गयो
नेपालमा पछिल्लो २४ घण्टामा थप एक हजार २८१ जनामा कोरोना संक्रमण पुष्टि भएको छ । ७ हजार ५४८ जनामा गरिएको परीक्ष्णमा १ हजार २८१ जनामा संक्रमण पुष्टि भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको संख्या २ लाख ८५ हजार ९०० पुगेको स्वास्थ्य मन्त्रालयले जनाएको छ ।
त्यस्तै नेपालमा पछिल्लो २४ घण्टामा कोरोना भाइरसका कारण मृत्यु हुनेको संख्या ८ रहेको छ । योसँगै नेपालमा कोरोना भाइरसका कारण मृत्यु हुनेहरुको संख्या ३ हजार ९१ पुगेको स्वास्थ्यमन्त्रालयले जनाएको छ ।
नेपालमा गत २४ घण्टामा कोरोना संक्रमण मुक्त भएर डिस्चार्ज हुनेको संख्या २५५ रहेको छ । योसँगै नेपालमा कोरोना संक्रमण मुक्त हुनेको कुल संख्या २ लाख ७५ हजार ५५५ रहेको स्वास्थ्य मन्त्रालयले जनाएको छ । अहिलेसम्म नेपालको क्वारेन्टाइनमा ८१ जना रहेका छन् भने आइसोलेसनमा ७ हजार २५४ जना रहेका छन् ।
त्यस्तै अहिलेसम्म नेपालमा २३ लाख ५२ हजार ५०२ जनाको कोरोना परीक्षण गरिएको छ । पछिल्लो २४ घण्टामा संक्रमित हुनेमा ४५६ जना महिला र ७७१ जना पुरुष रहेका छन् ।
