नेपालमा फेरि बढ्यो कोरोना संक्रमण, थपिए आठसय बढी संक्रमित
नेपालमा पछिल्लो २४ घण्टामा थप ८४३ जनालाई कोरोना संक्रमण भएको छ । योसँगै नेपालमा कुल कोरोना संक्रमित हुनेको संख्या २ लाख ८३ हजार ६५८ रहेको स्वास्थ्य मन्त्तालयले जनाएको छ ।
त्यस्तै पछिल्लो २४ घण्टामा नेपालमा थप ५ जनाको मृत्यु भएको छ । योसँगै नेपालमा कोरोना भाइरसका कारण अहिलेसम्म मृत्यु भएकाहरुको कुल संख्या ३ हजार ७५ रहेको छ ।
नेपालमा पछिल्लो २४ घण्टामा २२६ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या २ लाख ७५ हजार ३८ पुगेको छ ।
नेपालमा क्वारेन्टाइनमा रहनेको संख्या ७४ रहेको छ भने अहिलेसम्म २३ लाख ४० हजार ४१७ को आरटीपीसीआर परीक्षण भएको स्वास्थ्य मन्त्रालयले जनाएको छ ।
त्यस्तै नेपालमा आएसोलेसनमा रहनेको संख्या ५ हजार ५४५ रहेको छ भने पछिल्लो २४ घण्टामा ६ हजार ४ जनाको कोरोना परीक्षण गरिएको छ ।
पछिल्लो समय नेपालमा कोरोना संक्रमित हुनेको संख्या बढीरहेको छ । जसका कारण सरकारले स्वास्थ्यका मापदण्ड पालना गर्न अनुरोध गरिरहेको छ ।
