नेदरल्याण्ड्सविरुद्ध नेपालको फराकिलो जित
नेपाल र नेदरल्याण्ड्सबीचको त्रीकोणीय टी २० सीरीज अन्तर्गत त्रिवि क्रिकेट मैदानमा भएको खेलमा नेपाल ९ विकेटले विजयी भएको छ । टस हारेर पहिला ब्याटिङ गरेको नेदरल्याण्ड्सले निर्धारित २० ओभरमा ४ विकेट गुमाएर १३६ रन बनाएको थियो । १३७ रनको विजयी लक्ष्य पाएको नेपालले १ विकेट गुमाउँदै १५ ओभरमै लक्ष्य पूरा गर्यो ।
नेपालका लागि ओपनर कुशल भुर्तेलले ६२, अर्का ओपनर आशिफ शेखले नट आउट ५३ रन बनाए भने कप्तान ज्ञानेन्द्र मल्लले नटआउट १३ रनको योगदान दिए ।
टस जितेर बलिङ रोजेको नेपालका लागि सन्दिप लामिछानेले ४ ओभरमा २२ रन खर्चिएर २ विकेट लिए । त्यस्तै सोमपाल कामीले ४ ओभरमा १३ रन खर्चिएर १ विकेट लिए भने शाहब आलमले ४ ओभरमा ४५ रन दिएर १ विकेट लिएका थिए ।
नेपालका लागि डेब्यू खेलेका आशिफले ओपनिङमै अर्धशतक प्रहार गरेका छन् । नेपालले उत्कृष्ट शुरुवात गर्दै ८ ओभरको समाप्तिमा बिना कुनै क्षति ८२ रन बनाएको थियो ।
