अनौठो : बेलायती प्रिन्स ह्यारीको पेन्टिङ बनाउने सुँगुरले कमायो लाखौँ रुपैयाँ !
यदि तपाईलाई एक सुँगुरले राम्रो पेन्टिङ बनाउँछ भन्यो भने पत्याउन गाह्रो पर्छ । तर पिग्कासो नामको एक सुँगुर केही वर्ष यता पेन्टिङको काम गरिरहेको छ । यसकै माध्यमबाट उसले राम्रो कमाइ गर्दछ ।
यो सुँगुरले बेलायतका प्रिन्स ह्यारीको पेन्टिङ बनाएको थियो । प्रिन्स ह्यारीको पेन्टिङ हालैमात्र स्पेनका एक व्यक्तिले २.३६ लाखमा किनेका छन् । पिग्कासोको उमेर चार वर्षको हो ।
यसले अहिलेसम्म आफ्ना पेन्टिङबाट ५० लाख ३७ हजार रुपैयाँ कमाएको छ । यो सुँगुरको मालिकको नाम जोने लेफसन हो । पिग्कासो र लेफसन साउथ अफ्रीकामा बस्छन् ।
यसबाट भएको कमाई लेफसन जनावरका लागि दिन्छिन् । पिग्कासो अनुभवि कलाकारको जसरी पेन्टिङ गर्दछ । अहिले यसको फोटो र भिडियो अत्याधिक भाइरल बनिरहेका छन् ।
यो भन्दा पहिला पनि पिग्कासोले बेलायतकी महारानी एलिजाबेथको एक पेन्टिङ बनाएको थियो । जो तीन लाख २० हजारमा बिक्री भएको थियो । धेरै कम मानिसलाई मात्र सुँगुर एक चतुर र बुद्धिमान जनावर भन्ने थाहा छ ।
यसलाई सिकाएको कुरा यसले तत्काल बुझ्ने गर्दछ । अमेरिकामा हरेक वर्ष १ मार्चमा राष्ट्रिय सुँगुर दिवस मनाइन्छ ।
