कपाल सुरक्षा गर्ने ८ अचुक उपाय
लामो र स्वस्थ कपाल सबैलाई मन पर्छ तर कपाललाई स्वस्थ र लामो कसरी बनाउने भन्ने बिषयमा धेरैमा द्विभिदा रहेको छ । लामो र स्वस्थ कपालका बनाउन चाहने ब्यक्तिहरुलाई केही उपयोगी जानकारीहरु ।
निरु भट्टराई, ब्यूटिसियन
– कपाललाई सकेसम्म धुवाँ र धुलो बाट जोगाउने । बाहिर निस्कनु अघि कपाललाई सलले छोपेर निस्कने बानी बसाल्दा कपाललाई राम्रो गर्छ ।
– कपाललाई स्वस्थ बनाउन खानपानमा विशेष ध्यान दिने गर्नुपर्छ । सकभर सादा तथा स्वास्थवर्धक खानाहरु जस्तो – हरियो सागपात र सलाद प्रसस्त मात्रामा खाने गर्नुपर्छ ।
– हरेक पटक नुहाउनु भन्दा २ घन्टा अगाडी नरिवल वा तोरिको तेलले कपाललाई राम्ररी मसाज गर्ने ।
– कपाल तैलिय (ओईली) छ भने एक दिन बिराएर र सुख्खा छ भने हप्तामा २ पटक नुहाउनु पर्ने हुन्छ ।
– कपालमा अमलाको धुलो र मेथिलाई एक रात भिजाएर सिलौटा अथवा मिक्सरमा पिसेर पेष्ट बनाएर कपालमा लगाउने । १ घन्टा पछि चिसो पानीले कपाल पखाल्दा कपाल मुलायम हुन्छ ।
– कपालमा समय समयमा ट्रिटमेन्ट क्रिम वा कन्डिसनरको प्रयोग गर्दा कपाललाई स्वस्थ र मुलायम हुन्छ ।
– यदि कपाल फुल्ने समस्या छ भने ध्यूकुमारी (एलोभेरा)को पेस्ट कपालको जरामा पुग्ने गरेर नियमित केही समय लगाउदा कपाल फुल्ने तथा टुक्रने समस्या कम हुदैं जान्छ ।
– कपाल भिजेको अवस्थामा कपालमा काइयो वा ब्रसको प्रयोग गर्नु हुदैंन । यसले कपाल झर्ने समस्या निम्त्याउन सक्छ ।
