English

यी हुन् २०७७ मा नेपाल आएका भिआइपी



नेपालमा कुनै राजनीतिक हलचल हुँदा होस् या कुनै ठूला योजनाको सुरुवाती चरण, समीक्षा गर्न आइपुग्छन् विदेश पहुनाहरू । २०७७ सालमा कोरोना महामारीमा ६ महिना लकडाउन भयो । छिमेकी राष्ट्रहरूसंगको नाका बन्द भयो । लकडाउन खुलेपछि नेपालमा छिमेकी राष्ट्रबाट को–को, किन र कहिले आए नेपाल ?

भारतीय विदेश सचिव हर्षवर्धन श्रृंगला

भारतीय विदेश सचिव हर्षवर्धन श्रृंगला मंसिर ११ गते दुई दिने औपचारिक भ्रमणका लागि नेपाल आएका थिए । उनी परराष्ट्र सचिव भरतराज पौड्यालको निमन्त्रणमा आएका थिए । उनले राजनीतिक नक्सा र सीमाङ्कनको विषयमा राष्ट्रपति विद्यादेवी भण्डारी, प्रभानमन्त्री केपी शर्मा ओली र परराष्ट्रमन्त्री प्रदीप ज्ञवालीसंग भेटवार्ता गरेका थिए ।

चिनियाँ रक्षामन्त्री वे फङ्ख

चिनियाँ स्टेट काउन्सिलर तथा मन्त्री जनरल (रक्षामन्त्री) वे फङ्ख मंसिर १४ गते एक दिने नेपाल भ्रमणमा आएका थिए । उनी तत्कालीन रक्षामन्त्री ईश्वर पोखरेलको निम्तोमा नेपाल आएका थिए । चिनियाँ रक्षामन्त्री वेले राष्ट्रपति विद्यादेवी भण्डारी, प्रधानमन्त्री केपी शर्मा ओली र नेपाली सेनाका प्रधानसेनापति पूर्णचन्द्र थापासंग भेटवार्ता गरेका थिए । नेपाल कम्युनिस्ट पार्टीको बेला–बेला भएको राजनीतिक विवाद मिलाउन, अमेरिकासंग भएको बृहत् अनुदान सम्झौता मिलेनियम च्यान्लेज संझौता (एमसीसी) र रणनीतिको बारेमा महत्व राखेको विश्लेषकले उल्लेख गरेका थिए ।

‘रअ’का प्रमुख सामन्त कुमार गोयल

भारतीय गुप्तचर विभाग ‘रअ’ का प्रमुख सामन्त कुमार गोयल कार्तिक ५ गते नेपाल आएका थिए । उनी नेपाल आएको परराष्ट्र मन्त्रालयलाई समेत जानकारी थिएन । तर प्रधानमन्त्री केपी शर्मा ओलीसँग उनको शिष्टाचार भेट भएको कुरा प्रधानमन्त्रीका प्रेस सल्लाहकारले पुष्टि गरेपछि यसले एउटा तरङ्ग निम्त्याएको थियो । यसैगरी विभिन्न पार्टीका शीर्ष नेताहरूलाई भेटवार्ता गरेका कुराहरू अपुष्ट भएपछि विभिन्न टीकाटिप्पणी भएका थिए ।

भारतीय सेनाध्यक्ष मनोज मुकुन्द नरवणे

भारतीय सेनाध्यक्ष मनोज मुकुन्द नरवणे कार्तिक १९ मा तीन दिने नेपाल भ्रमणमा आएका थिए । नेपाल र भारतबीचको सैनिक सम्बन्धलाई थप सुदृढ बनाउन नेपाल भ्रमण आएका थिए । उनी नेपाली सेनाका प्रधानसेनापति पूर्णचन्द्र थापा, प्रधानमन्त्री केपी शर्मा ओली र उच्च सैनिक अधिकारीहरूसंग भेटवार्ता गरेका थिए । राष्ट्रपति विद्यादेवी भण्डारीले उनलाई सेनाको मानार्थ महारथी दर्जा प्रदान गरेकी थिइन् ।

बहराइन राजकुमार शेख नासेर बीन हमाद अल खलिफा

बहराइन राजकुमार शेख नासेर बीन हमाद अल खलिफा कार्तिक ६ गते नेपाल आएका थिए । उनीसहित १८ जना नेपालमा सगरमाथा चढ्ने आवश्यक अभ्यासका लागि मनास्लु आरोहण गर्न आएका थिए । उनी नेपाल आउँदा दुई हजार डोज कोरोना खोप ल्याएर आए र नेपालले अनुमति नदिएपछि उनी विवादमा आएका थिए ।

चीनका उच्च अधिकारी टोली

चिनियाँ कम्युनिष्ट पार्टीका अन्तर्राष्टिय विभागका उपमन्त्री गुओ येचौ, महानिर्देशक छुई यान सहितको चार सदस्यीय टोली पुस १२ गते नेपाल भ्रमण आएको थियो । उनले राष्ट्रपति विद्यादेवी भण्डारी, प्रधानमन्त्री केपी शर्मा ओली, नेता पुष्पकमल दाहाल ‘प्रचण्ड’ र माधवकुमार नेपाल लगायतका उच्च नेतासँग राजनीतिबारे छलफल गरेका थिए ।



Leave a Reply

Your email address will not be published. Required fields are marked *

सम्बन्धित खबरहरु

सहरका स्थानीय रैथाने चिनियाँ नयाँ वर्षको उमंगमा उर्लिरहेका बेला गत आइतबार हङकङेली नेपालीहरूको लामै लर्को भने युङ लङ थिएटरतर्फ सोझिएको

वि विल राइज फाउन्डेसनका संस्थापक अध्यक्ष एवं तेक्वान्दो ग्रान्ड मास्टर तुलसीकुमार गुरुङले पोखरा अन्तर्राष्ट्रिय म्याराथनका लागि नगद ५ लाख सहयोग

काठमाडौंका धीरज बस्नेत र आर्थिक बस्नेत पुरुष समलिङ्गी जोडी हुन् । उनीहरूले ६ महिनाअघि विवाह गरे । करिब डेढ वर्षको

आज भ्यालेन्टाइन डे । यस दिन प्रेमी प्रेमीकाले एकअर्कालाई उपहार दिने चलन छ । त्यो उपहारमा केवल माया छ ।