यस्तो बनाउनुस् आफ्नो स्किन केयरको रुटिन
शर्मिला खड्का, मेकअप आर्टिस्ट
दैनिक छालाको हेरचाह गर्दा आफ्नो अनुहारको छाला कस्तो किसिमको छ भन्ने कुरा थाहा पाउनु अत्यन्त आवश्यक हुन्छ । सामान्यतय अनुहारको छाला ३ प्रकारको हुन्छ । सुख्खा, तैलिय र कम्बिनेसन छाला । छालाको प्रकार अनुसार स्किन केयर रुटिन पनि फरक फरक किसिको हुन्छ ।
तैलिय छाला
– तैलिय छाला भएकाहरूले सेलिसिलिक एसिड प्रयोग भएको क्लिन्जरले बिहान र बेलुका दुई पटक क्लिन्जिङ गर्नु पर्छ । क्लिन्जिङ गर्दा मुहारमा भएको फोहोर हट्छ र अनुहार सफा हुन्छ ।
– क्लिन्जिङ गरिसकेपछि टोनर लगाउनुपर्छ । यसले अनुहारमा भएको प्रोस् कम गर्नुको साथै छालामा पि.एच.ए लाई ब्यालेन्स गर्छ ।
– छालामा सेरमको प्रयोगले एक्ने तथा पिम्पल कम हुदै जाने हुदाँ नाइसेनामाईड युक्त सेरमको प्रयोग गर्दा राम्रो हुन्छ ।
– सेरमको प्रयोग पछि लाइट वेट भएको मोस्चराईजरको प्रयोग गर्ने । तैलिय छालामा आफै तेल आउने र छाला चिपचिप हुने हुदाँ क्रिम बेस मोस्चराईजर प्रयोग गर्नु हुदैन ।
– स्किन केयरमा छुटाउनै नहुने साधन भनेको सनब्लक हो । सामान्यतय एसपिएफ ५० भन्दा माथिको सनब्लक प्रयोग गर्नु राम्रो हुन्छ । यस्ले छालालाई घामबाट जोगाउनुको साथै विभिन्न छाला सम्बन्धि समस्याहरुबाट समेत जोगाउछ ।
सुख्खा छाला
– सुख्खा छाला भएकाहरुले दिनमा एकपटक मात्र क्लिन्जिङ गर्नुपर्छ ।
– सुख्खा छाला भएकाहरुका लागि भने सेरम अप्सनल हुन्छ । सुख्खा छाला भएकाहरुको अनुहारमा प्रोस् कम हुने हुदाँ टोनरको प्रयोग नगर्दा पनि हुन्छ ।
– छालालाई हाईड्रेड गर्ने खालको हयालरोनिक ऐसिड प्रयोग भएको सेरम सुख्खा छाला भएकाहरुले प्रयोग गर्नु पर्छ । सेरमले अनुहारमा भएको एक्ने, दाग धब्बाहरुलाई कम गर्ने हुनाले सुख्खा छाला भएकाहरुले पनि सेरमको प्रयोग गर्नु पर्छ ।
– छाला सुख्खा भएकाहरुले क्रिम बेस भएको मोस्चराईजरको प्रयोग गर्नुपर्छ । क्रिमबेस भएको मोस्चराईजरमा प्रशस्त मात्रामा मोस्चर हुने भएकोले यसले छालालाई सुख्खा हुनबाट जोगाउछ ।
– सनब्लकको प्रयोग सबै प्रकारका स्किनले गर्नुपर्ने हुन्छ । सुख्खा छाला भएकाहरुले क्रिम बेस भएको सनब्लकको प्रयोग गर्दा राम्रो हुन्छ । सनब्लक एसपिएफ ५० भन्दा माथिको भए राम्रो हुन्छ ।
– सुख्खा छाला भएकाहरुले छालाको मोस्चरको लागि आल्मन्ड ओइलको पनि प्रयोग गर्दा राम्रो हुन्छ ।
कम्बिनेसन छाला
– अनुहारको कुनै पनि एक भाग तैलिय हुनु वा सुख्खा हुनुलाई कम्बिनेसन छाला भनिन्छ । यस्तो अवस्थामा मुख्यतया (टि जोन) अर्थात निधार र नाकको भाग तैलिय हुन्छ । कम्बिनेसन छाला भएकाहरुले दिनमा दुई पटक सेलिसिलिक एसिड प्रयोग भएको क्लिन्जरले अनुहार क्लिन्जिङ गर्नुृपर्छ ।
– टोनरले अनुहारमा भएको प्रोस् कम हुने हुदाँ कम्बिनेसन छाला भएकाहरुले पनि टोनरको प्रयोग गर्नुपर्छ । यसले छालाको पि.एच.ए पनि ब्यालेन्स गर्छ ।
– सेरमको प्रयोग गर्दा सुख्खा भागमा हयालरोनिक ऐसिड प्रयोग भएको र तैलिय भागमा नाइसेनामाईड युक्त सेरमको प्रयोग गर्नुपर्छ ।
Raphwaype
buy cialis online reviews Remove solution quality of cyp3a4 enzyme