जहाँ सित्तैमा यात्रा गर्छन् मानिसहरू
भारतीय रेलवे विश्वको चौथो ठुलो रेल नेटवर्क र एसियामा दोस्रो ठुलो रेल नेटवर्कमा पर्छ । भारतमा कुल रेलवे स्टेसनहरूको सङ्ख्या लगभग ८००० छ ।
सस्तो र आरामदायी हुने भएकाले धेरै मानिसहरू रेल यात्रा गर्न रुचाउँछन् । रेलमा यात्रा गर्दा भाडा तिर्न त पर्छनै ! तर, भारतमा एउटा यस्तो रेल छ जसमा मानिसहरू बिना टिकट यात्रा गर्छन् । यो कुरा पहिलो पटक सुन्ने जो कोहीलाई झट्ट विश्वास न लाग्न सक्छ, तर यो सत्य हो ।
यो रेल भाखडा–नागल बाँध हेर्नेहरूका लागि चलाइएको हो । उक्त रेल हिमाचल प्रदेश र पन्जाबको सीमामा पर्ने नागल र भाकराको बिचमा चल्छ । जानौँ यो विशेष ट्रेनको बारेमा…
भाखडा नागल बाँध हेर्न जानेहरूले यो रेलबाट निःशुल्क यात्रा गर्न सक्नेछन् । यस रेलको विशेषता भनेको कोचहरू काठले बनेका छन् जसमा टी टी छैन । यो रेल डिजेलमा चल्छ र दैनिक ५० लिटर तेल खपत हुन्छ ।
भारतको यो स्पेसल रेलमा पहिले १० डब्बा हुने गर्दथ्यो तर अहिले तीन वटा मात्रै छन् । जसमा पर्यटकका लागि एउटा कोच र महिलाका लागि एक डब्बा आरक्षित गरिएको छ ।
यो रेलमा मानिसहरूलाई निःशुल्क यात्रा गराउने उनीहरूको उद्देश्य छ । मानिसहरूले भाकरा नागल बाँध हेर्न सकुन् भनेर रेलबाट निःशुल्क यात्रा गराइन्छ ।
यो रेल भाकरा ब्यास व्यवस्थापन बोर्डले सञ्चालन गर्छ । रेल चलाउन पहाड काटेर ट्र्याक बनाइएको थियो ।
यो पनि…
मानिसको जस्तै ओठ भएको एलियन जीव
सबैभन्दा पुरानो यो जीवबारे वैज्ञानिक नै छक्क
