‘लुभ्र’ : वार्षिक झण्डै एक करोडले अवलोकन गर्छन्



एउटा शहरमा कतिवटासम्म म्यूजियम (संग्रहालय) हुन सक्ला ? यसको जवाफ गणितीय हुँदैन । तर संसारमा एउटा यस्तो सहर छ, जहाँ साना–ठूला गरी २ सय भन्दा बढी म्यूजियम छन् । त्यो सहर हो, फ्रान्सको राजधानी पेरिस ।

चानचुन २ सय म्यूजियम भएको पेरिसमा संसारकै सवैभन्दा धेरैले अवलोकन गर्ने ‘लुभ्र’ पनि यहीँ छ । लुभ्र म्यूजियमको भ्रमण हरेक बर्ष झण्डै एक करोडले गर्दै आएको म्यूजियम प्रशासनले सार्वजनिक गरेको छ ।

विश्वविख्यात मोनालिसाको वास्तविक चित्रकला सजिएकाले पनि लुभ्रको महत्व बढी छ । अर्थात् यस म्यूजियम पसेपछि यो दुर्लभ चित्रकलालाई प्रत्यक्ष हेर्ने अवसर जुर्छ ।

आफैंलाई प्रश्न गर्छु– पुरातात्विक महत्वका बस्तुहरूको उरुङ लागेको हाम्रो देशमा पनि यस्तै प्रकृतिको म्यूजियम किन हुन सक्दैन ?

लुभ्रमा बुलेटप्रुफ सिसाभित्र सजिएकी छन् मोनालिसा । यति भएर पनि उनलाई नजिकवाट हेर्न पाईंदैन । सायद सुरक्षाका कारणले हुनुपर्छ केही परबाट मात्र हेर्ने व्यवस्था मिलाइएको छ ।

लुभ्रमा हजारौं चित्रकला छन् । पुरातात्विक महत्वका धेरै कलाकृति पनि त्यत्तिकै मात्रामा भुण्डिएका छन् । तर पनि अधिकांश अवलोकनकर्ताहरू केवल ३० इन्च लम्बाई र २१ इन्च चौडाईको त्यही मोनालिसाको पेन्टिङ अगाडि झुम्मिन्छन् ।

सन् १९११ मा लुभ्रबाटै चोरी भएको थियो, मोनालिसाको चित्र । भेटिनका लागि २ वर्ष लाग्यो । जब म्यूजियममा चित्र फर्केर आयो, विश्वभर यसको क्रेजको पारो ह्वात्तै चढ्यो । कुल भिजिटरमध्ये मोनालिसाकै चित्र हेर्न रुचाउनेको संख्या धेरै रहेको संग्रहालय प्रशासनको अनुभव रहेको छ ।

पाखुरा चुँडिएको अवस्थामा रहेको यिनलाई माया र सुन्दरताकी ग्रीक देवी ‘भेनस’ नाम दिइएको छ । मार्बलनिर्मित उक्त मूर्ति एलेक्जेनड्रोस एन्टिओकले १०० देखि १३० बीसीबीच बनाएको अनुमान छ ।

सन् १७९३ मा खोलिएको विशाल लुभ्र संग्रहालय ६० हजार ६ सय वर्गमिटर क्षेत्रफलमा फैलिएको छ । यस म्यूजियममा पुरातात्विक महत्व बोकेका ३५ हजार बढी कलाकृति रहेका छन् । मोनालिसाबाहेक, ग्रीक मूर्तिकला ‘भेनस डे मिलो’ र ‘विङ भिक्ट्री अफ स्यामोथ्रेस’ म्यूजियमका प्रमुख आकर्षण हुन् ।

‘लुभ्र’ भ्रमणमा पुगेकाहरूलाई यी तीन महिला पात्रले आकर्षित गर्ने गरेको संग्रहालयको वेबसाईटमा उल्लेख छ । सन् १२८० मा ग्रिसको मिलोस टापुस्थित एक गुफाभित्र भेटिएको ‘भेनस डे मिलो’ परिचयविहिन नारी कलाकृति हो ।

पाखुरा चुँडिएको अवस्थामा रहेको यिनलाई माया र सुन्दरताकी ग्रीक देवी ‘भेनस’ नाम दिइएको छ । मार्बलनिर्मित उक्त मूर्ति एलेक्जेनड्रोस एन्टिओकले १०० देखि १३० बीसीबीच बनाएको अनुमान छ ।

सन् १९११ मा लुभ्रबाटै चोरी भएको थियो, मोनालिसाको चित्र । भेटिनका लागि २ वर्ष लाग्यो । जब म्यूजियममा चित्र फर्केर आयो, विश्वभर यसको क्रेजको पारो ह्वात्तै चढ्यो ।

अर्को कलाकृति ‘विङ भिक्ट्री अफ स्यामोथ्रेस’ ले समेत लुभ्रको शोभा बढाएको छ । विजयी देवीको दूतको प्रतिनिधित्व गर्ने टाउकोरहित तर पखेटासितको मूर्ति यसले जोकोहीको ध्यान खिच्छ । २ सय बीसीतिर बनेको अनुमान गरिएको र १९ औं शताब्दीमा भेटिएको उक्त मार्बलको सुन्दर कला कसको सिर्जना हो ? अझै अज्ञात छ ।

अर्थात् लुभ्रका आकर्षण धेरै छन् । माउथ पब्लिसिटी पनि अत्यन्तै राम्रो मानिन्छ । त्यसकारण संसारका कलापे्रमी त्यहाँ झुम्मिन्छन् ।

भनिन्छ, फ्रान्सको राजधानी पेरिस कलाकार र कलाप्रेमीहरूको सपनाको सहर पनि हो, जहाँ हजारौं चित्रकारहरू कला सिर्जनाका लागि तपस्या गरेर बसेका छन् ।

आफैंलाई प्रश्न गर्छु– पुरातात्विक महत्वका बस्तुहरूको उरुङ लागेको हाम्रो देशमा पनि यस्तै प्रकृतिको म्यूजियम किन हुन सक्दैन ?

शब्द/तस्बिर : निर्मल श्रेष्ठ
(पेरिसबाट फर्केपछि)



Leave a Reply

Your email address will not be published.

सम्बन्धित खबरहरु

निद्रा नलाग्ने समस्यालाई स्वास्थ्यका लागि निकै गम्भीर मानिन्छन् । अनिद्रा पनि धेरै रोगहरू को लागी एक उत्तेजक कारक को रूपमा

यस धर्तीमा यस्ता रहस्य छन्, जसको बारेमा वैज्ञानिकले पनि आजसम्म पत्ता लगाउन सकेका छैनन् । संसारभरका नदी र तालहरूमा धेरै

बुधबार सेयर बजार १६.६१ अंकले घटेको छ। आज नेप्से ०.८६ प्रतिशतले घटेर १९१७.२८ बिन्दुमा पुगेर बन्द भएको हो। नेप्से परिसूचक

कपाल झर्नु एक समस्या हो, जसको कारण प्रत्येक व्यक्ति समस्यामा परेका छन् । उनीहरू यसबाट छुटकारा पाउन चाहन्छन् तर मानिसले

Suggested