वर्ल्ड ह्यापीनेस रिपोर्टमा फिनल्याण्ड किन पहिलो ?



प्रत्येक वर्ष प्रकाशित हुने वर्ल्ड ह्यापीनेस रिपोर्टले केही विशेष मापदण्डका आधारमा संसारभरका राष्ट्रहरूको खुशीको तह मापन गर्दछ । यस वर्ष पनि उक्त रिपोर्ट प्रकाशित भइसकेको छ । सो रिपोर्टका अनुसार संसारमा सबैभन्दा खुशी राष्ट्र फिनल्याण्ड हो, जसमा नेपाल ८७ औँ स्थानमा परेको छ ।

संयुक्त राष्ट्र संघद्वारा प्रायोजित वार्षिक रिपोर्टअनुसार फिनल्याण्ड विश्वकै खुशी राष्ट्र बनेको यो चौथो पटक हो । २०१८, २०१९, २०२० र २०२१ को रिपोर्टअनुसार फिनल्याण्डका बासिन्दाहरूले लगातार चार वर्षदेखि सबैभन्दा खुशीपूर्ण जीवनशैली अपनाउँदै आएका छन् ।

यो रिपोर्ट जिडिपी, सामाजिक समर्थन, उदारता र स्वास्थ्य जीवन प्रत्याशामा आधारित थियो । साथै मानिसहरूको खुशी मापन गर्न जीवन निर्णयको स्वतन्त्रता, डिस्टोपिया र भ्रष्टाचारका धारणा जस्ता ब्यारोमिटरहरू पनि तोकिएको थियो ।

महामारीका समयमा जीवन रक्षालाई सघाउ पु-याउने किसिमका आपसी विश्वासका मामिलामा यो राष्ट्र सधैँ अगाडि नै छ ।

यो वर्षको रिपोर्टले व्यक्तिपरक भलाई र स्वस्थमा महामारीको असर बुझ्ने अद्वितीय चुनौतीको समेत सामना गरेको थियो, जसअनुसार रिपोर्टलाई आवश्यक पर्ने खुशी समर्थन गर्ने विविध कारकहरूमध्ये कोभिड १९ महामारीबीच देशका जनतामा आपसी विश्वास र सरकारको आत्मविश्वास नै सबैभन्दा महत्वपूर्ण रहेको थियो ।

यो वर्ष पनि फिनल्याण्ड खुशी राष्ट्रहरूको सूचीको अग्रपङ्तिमा पर्नु कुनै आश्चर्यको कुरा भने होइन । किनभने महामारीका समयमा जीवन रक्षालाई सघाउ पु-याउने किसिमका आपसी विश्वासका मामिलामा यो राष्ट्र सधैँ अगाडि नै छ ।

महामारीले विश्वव्यापी वातावरणीय खतरा, तत्काल सहयोगको महत्व र आवश्यकता र प्रत्येक देश तथा विश्वव्यापी रूपमा सहयोग प्राप्तीको कठिनाइहरूको बारेमा सिकाएको छ । सोहीअनुसार वर्ल्ड ह्यापीनेस रिपोर्ट २०२१ ले सम्पत्ती जगेर्ना भन्दा पनि सुस्वास्थ्यलाई लक्ष्यको रूपमा लिनुपर्ने देखाएको छ, जसअनुसार महामारीको कुशल व्यवस्थापन र नियन्त्रण गर्नेमा फिनल्याण्ड अग्रपङ्तिमा गनिन्छ ।

कार्यस्थलको संरचनाले संगठनात्मक निर्णय लिने, काममा बढ्दो संलग्नतालाई बढावा दिने, सबै विभाग र टोलीहरूबीच खुला सञ्चार कायम गर्ने जस्ता उद्देश्यसमेत लिएको हुन्छ

सबल अर्थतन्त्र र लचक कार्यक्षेत्र

फिनल्याण्डले नोकिया, एङ्ग्री बर्ड्सको डेभलपर कम्पनी रोभियो, क्लास अफ क्लान्स मोबाइल गेमको निर्माता सुपरसेल कम्पनी र लिफ्ट उत्पादक कम्पनी कोन जस्ता विश्वमै लोकप्रिय हासिल गरेका ब्रान्डमार्फत् विश्व अर्थव्यवस्थामा आफ्नो तौल बढाउँदै लगेको धेरै भइसक्यो ।
पहिलो पटक फ्ल्याट वर्किङ मोडल प्रस्ताव गर्ने यो प्रसिद्धि देश सोही दृष्टिकोणअनुसार व्यवसायहरू सञ्चालन गरिरहेको एक उदाहरणीय देश पनि हो । यस मोडलअनुसार व्यवस्थापन र कर्मचारीबीच एकदमै न्यून अथवा शुन्य पदानुक्रमको व्यवस्था हुन्छ, जसमा कर्मचारीलाई कसरी व्यवहार गर्ने, कसरी व्यवसाय सञ्चालन गर्ने भन्ने विविध विषयहरू समेटिएको हुन्छ । फिनल्याण्डको जस्तो कार्यक्षेत्र अभ्यास अन्य युरोपियन राष्ट्रहरूले भर्खरै मात्र अपनाउन थालेका छन् ।

फिनल्याण्डमा सामान्यतः कार्यस्थलमा कर्मचारीको कम पर्यवेक्षण हुन्छ । कार्यस्थलको संरचनाले संगठनात्मक निर्णय लिने, काममा बढ्दो संलग्नतालाई बढावा दिने, सबै विभाग र टोलीहरूबीच खुला सञ्चार कायम गर्ने जस्ता उद्देश्यसमेत लिएको हुन्छ । जसले, फिनल्याण्डका अग्रगामी व्यवसायीलाई फूर्तिलो बनाउने, संगठनका कर्मचारी सशक्तिकरण गर्ने, कर्मचारीले चाहेको ठाउँमा काम गर्ने, वातावरण सिर्जना गर्ने र कार्यक्षेत्रमा अधिकतम लचक र न्यून अवरोध सिर्जना गर्दै कार्यस्थलको उत्पादकत्व र एकतामा महत्वपूर्ण बृद्धि समेत गरेको छ ।
यसरी फूर्तिलो कार्यक्षेत्र र विधिले फिनल्याण्डका जनताको समृद्धि र भलाईमा महत्वपूर्ण भूमिका खेलेको छ । किनकी देशको कुल खुशी, नागरिकहरूले कार्यक्षत्रेबाट पाएको सन्तुष्टिमा पनि निर्भर गर्दछ ।

फिनल्याण्डका नागरिकहरू खुशी हुनुमा देशको ठूलो संख्यामा रहेको कल्याणकारी नीति मात्र होइनन्, पारस्परिक विश्वास र समानताका लागि स्वतन्त्रता सहितको आन्तरिक आत्मीयता भएरै हो ।

कल्याणकारी राष्ट्र

फिनल्याण्डले असमानताको लडाईं लडेको लामो समय भइसक्यो । अन्य देशका नागरिकहरूमा धनी र गरीबको अन्तर पनि बढ्दै गर्दा फिन्ल्याण्डले भने देशका गरीब जनताको हेरचाहमा मुख्य ध्यान दिने गरेको छ । असमानताको लडाईंमा अन्य देश निरन्तर संघर्ष गरिरहँदा फिनल्याण्डले यो मुद्धालाई आफ्नो प्राथमिक सूचीमा राखेको छ ।

फिनल्याण्डका नागरिकहरू खुशी हुनुमा देशको ठूलो संख्यामा रहेको कल्याणकारी नीति मात्र होइनन्, पारस्परिक विश्वास र समानताका लागि स्वतन्त्रता सहितको आन्तरिक आत्मीयता भएरै हो । मानिसको मानसिकता तब मात्र आत्मनिर्भर र स्वतन्त्र हुन सक्छ, जब सबै नागरिक उत्तिकै समान हुन्छन् । फिनल्याण्डको खासियत नै यही हो ।

यस्तो देश जहाँ कल्पनाशील सबै आधारभूत आवश्यकताहरू पुरा हुन्छन्, त्यस्तो देशमा बस्ने सबै मानव जातिको इच्छा हुन्छ । चाहे त्यो शिक्षा होस्, स्वास्थ्य होस् वा काम नै किन नहोस्, नागरिकको इच्छा पूर्ण हुने किसिमको सुविधा प्रदायकमा फिनल्याण्डकै नाम अग्रस्थानमा आउँछ ।

ह्यापीनेस इन्डेक्सका आधारमा यो वर्ष नेपाल दक्षिण एशियाकै खुशी राष्ट्र बनेको छ । दक्षिण एशियाकै खुशी राष्ट्र भएपनि विश्वकै खुशी राष्ट्र नेपालले फिनल्याण्डबाट सिक्नुपर्ने धेरै कुरा छन् ।

नेपालसँग तुलना गर्दा

वर्ल्ड ह्यापीनेस रिपोर्टका अनुसार नेपाल ८७ औँ स्थानमा छ । यद्यपी राजनीतिक अस्थिरता र कोभिड १९ का कारण अस्तव्यस्त अर्थतन्त्रका बाबजुद पनि नेपाल पछिल्लो वर्षभन्दा पाँच स्थान माथि उक्लेको हो ।

ह्यापीनेस इन्डेक्सका आधारमा यो वर्ष नेपाल दक्षिण एशियाकै खुशी राष्ट्र बनेको छ । दक्षिण एशियाकै खुशी राष्ट्र भएपनि विश्वकै खुशी राष्ट्र फिनल्याण्डबाट नेपालले सिक्नुपर्ने धेरै कुरा छन् ।

जस्तै, भ्रष्टाचारको मुद्धा हेर्ने हो भने ट्रान्सपरेन्सी डट ओरजीका अनुसार फिनल्याण्डले १ सयमा ८५ स्कोर प्राप्त गर्दै १ सय ८० देशमध्ये सबैभन्दा कम भ्रष्टाचार हुने तेस्रो देश हुन सफल भएको छ । नेपाल भने ३३ स्कोर मात्र प्राप्त गरेर ६१ औँ स्थान मा परेको छ ।

नेपालमा समानताका मुद्धाहरू त थुप्रै उठ्ने गरेका छन्, तर कार्यन्वयन नहुँदै सेलाउँछन् पनि । जातीय भेदभाव, सांस्कृतिक विभेद, लैङ्गिक विभेद लगायतका विभिन्न सामाजिक खराबी नेपालमा अझै पनि जरो गाडेरै बसेको अवस्था छ । नेपालमा यसका विरुद्धमा विभिन्न आन्दोलन भइरहँदा अझै पनि सरकारले कार्यान्वयनमा तदारुकता देखाएको छैन । तर फिनल्याण्डले भने असमानताको लागि लडेको र सोही अनुसारको सुविधा कार्यान्वयन गरिसकेको नै वर्षौ भइसक्यो ।

फिनल्याण्डमा कम अपराध र बलिया सामाजिक सुरक्षा पनि छन्, जसका कारण जनता निर्धक्क छन् । तर नेपालको सामाजिक सुरक्षा नै कमजोर छ ।

त्यस्तै फिन्ल्याण्डले देशका गरीब जनताको हेरचाहमा मुख्य ध्यान दिने गरेको छ, तर नेपालमा भने धनी र गरीबको अन्तर बढ्दै गइरहेको छ । सरकारका गरीब उत्थानमूलक कार्यहरू पनि एकदमै नगन्य छन् ।

फिनल्याण्डमा कम अपराध र बलिया सामाजिक सुरक्षा पनि छन्, जसका कारण जनता निर्धक्क छन् । तर नेपालको सामाजिक सुरक्षा नै कमजोर छ । कानूनतः बलिया हुने क्रममै छन् तर पनि अपराध दिन प्रतिदिन बढेको बढ्यै छन् । अझै भ्रष्टाचार र बलात्कारका मुद्धा त नेपालमा सामान्य भइसके । यसको पछाडिको कारण नेपालको कमजोर आयस्तर, कानुनी रूपमा यौन ब्यवस्थापनको अभाव र अन्धविश्वासी सामाजिक र सांस्कृतिक रुढ मूल मान्यता नै रहेको बुझ्न सकिन्छ ।

तसर्थ, कार्यस्थलको स्वतन्त्रतामा सीमितता, कम आय, आधारभूत मौलिक अधिकारमा सीमितता, अन्धविश्वासी समाज, भ्रष्टाचार, कमजोर सामाजिक सुरक्षा र कानून,लगायत विविध कमजोरीले वर्ल्ड ह्यापीनेस रिपोर्टमा नेपाल तल परेको हो ।



Leave a Reply

Your email address will not be published.

सम्बन्धित खबरहरु

निद्रा नलाग्ने समस्यालाई स्वास्थ्यका लागि निकै गम्भीर मानिन्छन् । अनिद्रा पनि धेरै रोगहरू को लागी एक उत्तेजक कारक को रूपमा

यस धर्तीमा यस्ता रहस्य छन्, जसको बारेमा वैज्ञानिकले पनि आजसम्म पत्ता लगाउन सकेका छैनन् । संसारभरका नदी र तालहरूमा धेरै

बुधबार सेयर बजार १६.६१ अंकले घटेको छ। आज नेप्से ०.८६ प्रतिशतले घटेर १९१७.२८ बिन्दुमा पुगेर बन्द भएको हो। नेप्से परिसूचक

कपाल झर्नु एक समस्या हो, जसको कारण प्रत्येक व्यक्ति समस्यामा परेका छन् । उनीहरू यसबाट छुटकारा पाउन चाहन्छन् तर मानिसले

Suggested