घरमै छालालाई आकर्षक बनाउने तरिका
जाडो मौसममा छालामा विभिन्न किसिमका समस्याहरु देखापर्ने गर्छ । कोरोना संक्रमण फैलने डरले गर्दा अधिकांश ब्यक्तिहरु छालाको हेरचाहका लागि ब्यूटिपार्लर वा स्किन केयर हस्पिटल जाने अवस्थामा छैनन् । यस्तो अवस्थामा घरमै बसेर पनि छालाको हेरचाह गर्न सकिन्छ ?
जाडोमा अधिकांशको छाला सुख्खा हुने गर्छ भने ओठ र कुर्कुच्चा फुट्ने लगायतका विभिन्न समस्याहरु देखा पर्छन् । छालाको सुख्खापन हटाउनका लागि बढि मात्रामा चिल्लो पदार्थ प्रयोग भएको मोस्चराईजरको प्रयोग गर्नु पर्ने हुन्छ । यो मौसममा पानी पिउन मन नलागेपनि प्रसस्त मात्रामा पानी पिउनुका साथै अन्य केही कुराहरुमा विशेष ध्यान दिनुपर्ने हुन्छ ।
सुख्खा छालाका लागि
– यदी शरीरको छाला सुख्खा किसिमको छ भने चिल्लो पदार्थ भएको मोस्चराईजर दिनको २ पटक लगाउने गर्नुपर्छ ।
– घरमा तयार पारिएको केमिकल रहित नरिवलको तेल राति सुत्नु अघि छालामा दलेर मसाज गर्दा छालालाई राम्रो गर्छ ।
– कम्तिमा पनि सातामा एकपटक किन्जिङ मिल्कले सफाई गर्नुपर्छ ।
– घाममा निस्किनु अघि एसपिएफ ३० देखि ५० सम्म भएको सनस्क्रिन क्रिमको प्रयोग गर्नुपर्छ ।
– नुहाए पछि तोरीको तेलले पुरा शरिर मलिस गर्नु राम्रो हुन्छ ।
तैलिय छालाका लागि
– नियमित खाने खानामा चिल्लो र पिरोको मात्रालाई कम गर्ने ।
– तैलिय छालाको लागि सुख्खा छालाको तुलनामा कम चिल्लो भएको मोस्चराईजर प्रयोग गर्ने ।
– सातामा कम्तिमा एकपटक बाफ लिने ।
– चिल्लो रहित फेसवास तथा क्रिमको प्रयोग गर्ने ।
– तैलिय छाला हुनेले कम्तिमा पनि हप्तामा २ देखि ३ पटक क्लिन्जिङ गर्नु राम्रो हुन्छ ।
