अर्थमन्त्रीले किन राजीनामा दिनुपर्छ ?

प्रधानमन्त्री शेरबहादुर देउवाको नेतृत्वमा रहेको गठबन्धन सरकारका अर्थमन्त्री जनार्दन शर्माको विशेष सक्रियतामा नेपाल राष्ट्र बैंकको स्वायत्ततामाथि धावा बोलियो । राष्ट्र बैंकका गर्भनर महाप्रसाद अधिकारीलाई मन्त्रिपरिषद्को बैठकले नै निलम्बन गर्ने निर्णय गर्यो । तर, सरकारले गरेको यो फरमानको मसीसमेत सुक्न नपाई सर्वोच्च अदालतले उक्त निर्णय तत्काल कार्यान्वयन नगर्न आदेश दियो । आजदेखि नै गभर्नर अधिकारीले आफ्नो काम सुचारु गरे ।

सर्वोच्चको यो अन्तरिम फैसलाले दिएको सन्देशको गहिरो अर्थ छ भन्ने बुझ्न जरुरी छ सरकार र अर्थमन्त्री शर्माले ।

गर्भनर निलम्बन गर्ने सरकारको निर्णय अर्को आदेश जारी नभएसम्मका लागि कार्यान्वयन नगर्न आदेश दिएर सर्वोच्चले विधिको शासनको अस्तित्व अझै रहेको सन्देश दिएको छ । सर्वोच्चको यो अन्तरिम फैसलाले दिएको सन्देशको गहिरो अर्थ छ भन्ने बुझ्न जरुरी छ सरकार र अर्थमन्त्री शर्माले ।

सर्वोच्चको उक्त आदेशले सरकार र यसका अर्थमन्त्रीको कति कच्चा काम थियो भन्ने पनि प्रष्ट पारेको छ ।

अर्थमन्त्री शर्माले राष्ट्र बैंक मन्त्रालयको शाखा कार्यालय हो भन्ने बुझ्नु आफैँमा गलत थियो । देशको ढुकुटी चलाउने जिम्मा लिएर बस्ने अर्थमन्त्रीको जंगली व्यवहारले देशको अर्थतन्त्रमाथि नकारात्मक असर पर्छ भन्ने हेक्का राख्न नसक्नु आफैँमा उदेकलाग्दो कुरा हो । मुलुकले कस्तो व्यक्तिलाई देशकै ढुकुटीको साँचो सुम्पिएको रहेछ भनेर आमजनता पश्चातापमा पर्नु आफैँमा विडम्बनापूर्ण कुरा हो ।

देशको वित्तीय स्थायित्व कायम गर्न अविच्छिन्नरूपमा काम गर्ने दायित्व बोकेको संस्थामाथि अर्थमन्त्री शर्माले गरेको प्रहार निन्दनीय त छँदैछ, उत्तिकै दण्डनीय पनि ।

राष्ट्रको केन्द्रीय बैंकको स्वायत्ततामाथि निशाना लगाउने मन्त्री शर्माको लहडलाई गम्भीररूपमा लिन जरुरी छ । देशको मौद्रिक नीति निर्माण गर्ने संस्थाको मनोबल गिराएर अर्थमन्त्री शर्माले कसलाई रिझाउन खोजेका हुन् ? देशको वित्तीय स्थायित्व कायम गर्न अविच्छिन्नरूपमा काम गर्ने दायित्व बोकेको संस्थामाथि अर्थमन्त्री शर्माले गरेको प्रहार निन्दनीय त छँदैछ, उत्तिकै दण्डनीय पनि ।

मुलुकको अर्थतन्त्र बिरामी भएको विमर्श चलिरहेको बेला अर्थमन्त्री शर्माले गरेको यो अपराधको सजाय भनेको उनले नैतिकता प्रदर्शन गर्दै पदबाट राजीनामा दिनु नै हो ।

मुलुकको अर्थतन्त्र सुधारको जिम्मेवारी बोकेको अर्थमन्त्रीबाट देशको संवेदनशील स्वायत्त निकायमाथि राजनीतिक हस्तक्षेप हुनु मुलुककै लागि लज्जाको विषय हो ।

मुलुकको अर्थतन्त्र सुधारको जिम्मेवारी बोकेको अर्थमन्त्रीबाट देशको संवेदनशील स्वायत्त निकायमाथि राजनीतिक हस्तक्षेप हुनु मुलुककै लागि लज्जाको विषय हो । यसैले, सर्वोच्चको उक्त आदेशपछि अर्थमन्त्रीको पदमा बसिरहने नैतिक छुट शर्मालाई छैन । यदि, अर्थमन्त्री शर्मासँग नैतिकताको केही अंश बाँकी छ भने अविलम्ब पदबाट राजीनामा दिनु नै उनी र मुलुककै हितमा हुनेछ । नत्र मुलुकको समग्र अर्थतन्त्रको लय बिग्रिने निश्चित छ ।

यो पनि…
नत्र यो सरकारलाई ‘नालायक’ भनिनेछ
कलाले सत्ता हल्लाउने सामर्थ्य राख्छ