नेपालमा कोरोना : संक्रमित र मृतकको संख्या ह्वात्तै बढ्यो
नेपालमा पछिल्लो २४ घण्टामा थप ५५९ जनामा कोरोना भाइरस (कोभिड-१९) संक्रमण पुष्टि भएको छ । ५ हजार १०५ जनामा गरिएको कोरोना परीक्षणका क्रममा ५५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले जानकारी दिए ।
योसँगै नेपालमा कोरोना संक्रमण पुष्टि हुनेको कुल संख्या २ लाख ८० हजार ५२४ पुगेको छ । त्यस्तै पछिल्लो २४ घण्टामा नेपालमा कोरोना भाइरसका कारण मृत्यु हुनेको संख्या १३ रहेको छ । योसँगै नेपालमा कोरोना भाइरसका कारण मृत्यु हुनेको कुल संख्या ३ हजार ३ सय ६ पुगेको छ ।
नेपालमा पछिल्लो २४ घण्टामा १३८ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त भएकाहरुको कुल संख्या २ लाख ७४ हजार १६५ पुगेको छ ।
नेपालमा हालसम्म २३ लाख १७ हजार २८४ जनाको कोरोना परीक्षण गरिएको स्वास्थ्य मन्त्रालयले जनाएको छ । अहिले नेपालको क्वारेन्टाइनमा रहनेको संख्या ८५ रहेको छ ।
